유명진의 육미정담 肉味情談

營業中

休息中

餐廳環境好闊落, 枱與枱之間有距離, 卡座位坐得好舒適。𓊈一級五花肉套餐 $𝟼𝟾𝟾𓊉套餐包括一級五花肉, 和牛牛五花, 安格斯牛外裙肉, 牛小排, 蘋果梨汁雞肉, 一口鱈魚肉同薯仔排骨湯, 套餐包含嘅肉類多元化, 性價比幾高。個人最鐘意食和牛牛五花同牛小排, 嫩滑多汁, 肉質好鬆軟, 好好食。𓊈醃製一級韓國豬肋骨 $𝟷𝟽𝟾𓊉豬肋骨預先用黑椒同韓式醬汁醃製咗, 所以味道好香濃, 豬肋骨肉質好軟腍, juicy 多汁, 非常惹味!𓊈菠蘿梳打 $𝟺𝟸𓊉菠蘿梳打味道唔會太甜, 幾解渴。𓊈柑橘梳打 $𝟺𝟸𓊉柑橘梳打味道好清新, 可以解油膩感。𓊈烤香蕉配朱古力肉桂粉 $𝟺𝟻𓊉香蕉上面有一層焦糖, 配合香蕉一齊食, 甜而不膩, 側邊可以蘸點朱古力醬或者肉桂粉, 味道有層次。𓊈芝士蛋糕配雪糕 $𝟻𝟻𓊉芝士蛋糕嘅芝士味非常濃郁, 側邊配有雲呢拿雪糕, 一齊食, 口感更豐富。