影片
更多
2023-12-15
58 瀏覽
見Umi係openrice 長期人氣高企。今日放工就同同事嚟食晚餐。5:50去到，原來餐廳晚市開6:00。好彩餐廳門外放咗幾張凳，等我哋可以坐住等。餐廳開門喇，一入到去，有一邊一整排都係大大嘅玻璃窗。可以望到維港夜景。由於我哋係第一枱，仲可以坐到窗邊二人枱。餐單只有兩頁，簡單易明。而店員都有逐枱同食客講解今日嘅甜品同埋廚師發辦係乜嘢。炸軟殼蟹咖喱蛋包意大利飯（$158）：侍應一攞到黎，隻蟹係向上企喺蛋包飯上面嘅。不得不讚佢嘅賣相，顏色配搭好好。咖喱係屬於日式嘅咖喱，甜甜地既。軟殼蟹好大隻，食完好滿足。不過我自己本身鍾意食硬少少嘅意大利飯，如果佢可以硬番少少就更好喇。火炙北海道帶子明太子意粉（$148）：賣相打卡一流。帶子以串燒嘅造型出現！明太子味好濃. 醬汁份量非常充足。仲有好多蟹肉喺入邊。我哋其中一個餐+$48 有自選飲品加精選甜品，而另一個餐+$88有自選飲品加自選甜品。柚子海綿蛋糕：呢個係精選甜品。柚子味酸酸甜甜，味道清新。海綿蛋糕濕潤軟熟。宇宙金時pancake ：份量好大。兩個人食真係好滿足呀。其實佢係有五層。最底嗰兩層係pancake，跟住係綠茶蛋糕，紅豆雪糕同埋綠茶雪米糍
見Umi係openrice 長期人氣高企。今日放工就同同事嚟食晚餐。
5:50去到，原來餐廳晚市開6:00。好彩餐廳門外放咗幾張凳，等我哋可以坐住等。
餐廳開門喇，一入到去，有一邊一整排都係大大嘅玻璃窗。可以望到維港夜景。由於我哋係第一枱，仲可以坐到窗邊二人枱。
餐單只有兩頁，簡單易明。而店員都有逐枱同食客講解今日嘅甜品同埋廚師發辦係乜嘢。
炸軟殼蟹咖喱蛋包意大利飯（$158）：侍應一攞到黎，隻蟹係向上企喺蛋包飯上面嘅。不得不讚佢嘅賣相，顏色配搭好好。咖喱係屬於日式嘅咖喱，甜甜地既。軟殼蟹好大隻，食完好滿足。不過我自己本身鍾意食硬少少嘅意大利飯，如果佢可以硬番少少就更好喇。
火炙北海道帶子明太子意粉（$148）：賣相打卡一流。帶子以串燒嘅造型出現！明太子味好濃. 醬汁份量非常充足。仲有好多蟹肉喺入邊。
我哋其中一個餐+$48 有自選飲品加精選甜品，而另一個餐+$88有自選飲品加自選甜品。
柚子海綿蛋糕：呢個係精選甜品。柚子味酸酸甜甜，味道清新。海綿蛋糕濕潤軟熟。
宇宙金時pancake ：份量好大。兩個人食真係好滿足呀。其實佢係有五層。最底嗰兩層係pancake，跟住係綠茶蛋糕，紅豆雪糕同埋綠茶雪米糍。最頂仲淋咗少少綠茶醬。兩層pancake之間已經夾咗紅豆雪糕。pancake好軟熟，有好多氣孔。加埋甜甜地嘅紅豆雪糕一齊食好夾。紅豆雪糕有好多紅豆粒。至於綠茶蛋糕，可能因為我食咗比較甜嘅紅豆雪糕先再食佢，所以覺得佢味道比較清淡。至於個綠茶糯米糍，佢係有我鍾意嘅甘甘地嘅綠茶味，糯米皮唔太厚。整個甜品黎講我覺得好好食。
草莓鮮奶：好靚嘅粉紅色。飲落甜甜地但又唔會太漏。
黑加倫子乳酪：乳酪飲品感覺好健康。味道酸酸味味，令人好開胃。
好滿意嘅一餐。唔怪之得佢排名咁高。
張貼
