影片
更多
2022-11-09
34 瀏覽
今日出咗灣仔整啲文件，順便約埋朋友去行街食飯，朋友知道我鍾意食中餐，特登帶我去試呢間餐廳，我覺得好好食，所以喺度推介一下。尚夢．茳煳。地址係灣仔譚臣道1-3號長康大廈地舖。入到去餐廳見到裝修得好整潔好有格調，仲有好多卡位同吧枱，喺度飲杯茶，傾吓計，食飯感覺都幾舒適。坐低點完菜就送上熱茶，透明嘅茶壺加上有蠟燭座保溫，除咗好睇之外保證茶一定夠熱。燉湯，每一盅燉湯都係會用蠟燭座保溫，保證每一啖湯都係熱辣辣，入口味道好清甜，完全將瘦肉同響螺頭味道融入左個湯入邊。又香又清甜真係好好飲。美極香煎龍躉球 298 元，龍躉球煎到金黃色賣相非常之好，一上枱已經聞到香氣撲鼻。龍躉皮食落去又香又脆，魚肉味道非常鮮甜，加上少少焦香，肉質比較結實外脆內嫩。魚肉仲保留到肉汁咗，大廚控制得個火候啱啱好，廚師非常有水準，值得一讚。尚夢終極小炒王 188元，小炒皇材料好豐富炒得好有火候，韭菜花，蝦乾，銀魚仔，菜脯，魷魚，鮮蝦，韭菜花完全吸收晒其他材料嘅鮮味，食落去香脆爽甜，同其他味道夾埋一齊，味道好有層次又有口感，用嚟配飯真係一絕，非常惹味，香口。 抗氧化薑黃炒飯 $108元，睇到個名都好想食，薑黃係有抗氧化作用最啱女
尚夢．茳煳。地址係灣仔譚臣道1-3號長康大廈地舖。入到去餐廳見到裝修得好整潔好有格調，仲有好多卡位同吧枱，喺度飲杯茶，傾吓計，食飯感覺都幾舒適。
坐低點完菜就送上熱茶，透明嘅茶壺加上有蠟燭座保溫，除咗好睇之外保證茶一定夠熱。
燉湯，每一盅燉湯都係會用蠟燭座保溫，保證每一啖湯都係熱辣辣，入口味道好清甜，完全將瘦肉同響螺頭味道融入左個湯入邊。又香又清甜真係好好飲。
美極香煎龍躉球 298 元，龍躉球煎到金黃色賣相非常之好，一上枱已經聞到香氣撲鼻。龍躉皮食落去又香又脆，魚肉味道非常鮮甜，加上少少焦香，肉質比較結實外脆內嫩。魚肉仲保留到肉汁咗，大廚控制得個火候啱啱好，廚師非常有水準，值得一讚。
尚夢終極小炒王 188元，小炒皇材料好豐富炒得好有火候，韭菜花，蝦乾，銀魚仔，菜脯，魷魚，鮮蝦，韭菜花完全吸收晒其他材料嘅鮮味，食落去香脆爽甜，同其他味道夾埋一齊，味道好有層次又有口感，用嚟配飯真係一絕，非常惹味，香口。
抗氧化薑黃炒飯 $108元，睇到個名都好想食，薑黃係有抗氧化作用最啱女士食用，薑黃炒香左一啲都唔辣，而且味道仲好易入口， 又夠飽肚, 炒到金黃色米飯粒粒分明，有少量嘅瓜粒作為配菜，入口有口感
張貼
