影片
更多
2021-11-23
275 瀏覽
荃灣人氣吉列牛黃店 - 袐行開荃灣，揾咗間人氣黃店黎食。地點尚算方便，係愉景新城行過黎大概10分鐘就揾到。今日早咗小小大概6點就去到，唔洗等位~ 正😌不過平日黎講食到一半就已經full house 咁濟，如果weekend 想過嚟食可能真係要早啲黎攞位先得啦🥴板燒安格斯牛 $115 牛味相對重啲，鍾意食牛味濃嘅朋友嗌依個就啱晒啦，牛花好平均，每邊燒咗廿零秒左右，都仲好juicy。板燒吉列牛 $115牛味相對冇咁出，不過勝在佢係吉列，有多種香脆嘅口感，而且吉列牛上面嘅脆脆面仲好完整，唔會係散晒，值得一讚。晚市定食(+$38)，有櫻花昆布湯+飯素飯+溏心蛋，個湯係想像到嘅味精水，超咸，飲一啖湯要送十啖水嘅感覺🤢反而個飯就幾好，加左飯素仲淋埋啲汁，所以就咁齋食飯一啲都唔dry好夠味👍🏻另外見到枱枱都有人嗌咗枝葡萄汽水($26)，本住試伏嘅心態跟隊型都叫左枝黎試。味道普通，有少少似QOO白提子汁咁嘅味，都幾甜下。如果食燒肉唔想咁普通齋飲可樂，都可以一試。最後2個人埋單$338 ，價錢合理，份量足夠，啱晒食肉獸嘅我哋，食到飽，好滿足😋餐廳環境裝修唔錯，不過地方有限坐得有啲逼，抽風都一般，比較重油
行開荃灣，揾咗間人氣黃店黎食。
地點尚算方便，係愉景新城行過黎大概10分鐘就揾到。今日早咗小小大概6點就去到，唔洗等位~ 正😌不過平日黎講食到一半就已經full house 咁濟，如果weekend 想過嚟食可能真係要早啲黎攞位先得啦🥴
板燒安格斯牛 $115
牛味相對重啲，鍾意食牛味濃嘅朋友嗌依個就啱晒啦，牛花好平均，每邊燒咗廿零秒左右，都仲好juicy。
板燒吉列牛 $115
牛味相對冇咁出，不過勝在佢係吉列，有多種香脆嘅口感，而且吉列牛上面嘅脆脆面仲好完整，唔會係散晒，值得一讚。
晚市定食(+$38)，有櫻花昆布湯+飯素飯+溏心蛋，個湯係想像到嘅味精水，超咸，飲一啖湯要送十啖水嘅感覺🤢反而個飯就幾好，加左飯素仲淋埋啲汁，所以就咁齋食飯一啲都唔dry好夠味👍🏻
另外見到枱枱都有人嗌咗枝葡萄汽水($26)，本住試伏嘅心態跟隊型都叫左枝黎試。味道普通，有少少似QOO白提子汁咁嘅味，都幾甜下。如果食燒肉唔想咁普通齋飲可樂，都可以一試。
最後2個人埋單$338 ，價錢合理，份量足夠，啱晒食肉獸嘅我哋，食到飽，好滿足😋
餐廳環境裝修唔錯，不過地方有限坐得有啲逼，抽風都一般，比較重油煙味。
張貼
