響 - Hibiki 日本燒肉 (已結業)

今日嚟到佐敦食日式燒肉 響 Hibiki, 佢最出名就係魚生刺身同埋和牛燒肉任食放題。魚生刺身拼盤一坐低會先嚟刺身拼盤, 呢度嘅魚生每日由日本空運抵港, 特別是海膽肥美帶海水味, 非常新鮮！波士頓龍蝦跟住就係波士頓龍蝦, 隻隻爆膏蝦味濃郁醇厚, 蝦肉爽口彈牙！燒肉拼盤主菜就梗係燒日式燒肉, 餐廳會安排燒肉拼盤, 有齊各款和牛部位和優質豚肉。我係牛魔王最鍾意牛胸腹, 脂肪較少, 肉質嫩滑鮮甜。估唔到豬腩肉都有驚喜, 油脂豐盈, 口感似煙肉卜卜脆！烤魚喜之次奉送一條喜之次烤魚, 香烤焦香撲鼻, 燶燶哋就啱曬, 魚肉嫩滑, 加啲岩鹽更加惹味！刺身和燒肉係任點任食, 仲有海鮮 燒海蝦、鯖魚、紐西蘭青口。冷盤小食和食天婦羅、炸物、串燒, 款式多羅羅！除咗汽水、啤酒, 仲有紅、白酒、清酒、梅酒任飲, 多款選擇。如果係飲得之人, 淨飲酒都已經係物超所值了！