影片
更多
2023-11-18
70 瀏覽
🔸 鹹蛋蒜香酸菜 烤江團魚 $329 （選濃味）條魚有近一斤咁大，因為江團魚近似鯰魚類嘅無鱗厚皮魚，如果唔識特別炮製，魚皮會好潺好腥，餐廳係先將啲江團魚經過猛火把魚皮烤得焦脆，之後再落個鍋裏面將啲魚肉慢慢滾熟，蒜味入曬啲魚肉裏面，啲魚肉仲係好鮮嫩、好實淨，因為個烤魚鍋裏面放咗有鹹蛋黃，所以食到最後啲鹹蛋黃醬包住啲魚肉，令到口感更加惹味。喱嗰烤鍋畀咗好多酸菜粒同埋蒜蓉，又有啲炸香咗嘅蒜片，另外配菜仲有：大豆芽菜、青瓜粒同蔥粒，加上鹹蛋黃，鹹香味濃。全場只有呢個鍋係唔辣嘅，雖然冇落薑，但條魚一啲都唔腥。 味道：7/10性價比：7/10🔸 烤牛仔骨 $39有4塊，啲牛肉都係好嫩好有牛味嘅，味道主要係甜甜地辣辣地， 放咗好多香草碎落去一齊燒，好好食。味道：8/10性價比：7/10🔸 烤鮮魷魚（隻） $39 烤臺灣香腸 $19烤魷魚分咗兩串，肥肥大大成片魷魚，味鮮甜，有嚼口。臺灣香腸就唔算大條，喺辣味嘅。味道：7/10性價比：7/10🔸 至尊水果茶 $43水果茶用個啤酒杯裝到一大杯，放咗好多雜果：有3粒西瓜球、 一個火龍果球、半片士多啤梨、幾粒藍莓、兩大片橙、3片蘋果、熱情果
🔸 鹹蛋蒜香酸菜 烤江團魚 $329 （選濃味）條魚有近一斤咁大，因為江團魚近似鯰魚類嘅無鱗厚皮魚，如果唔識特別炮製，魚皮會好潺好腥，餐廳係先將啲江團魚經過猛火把魚皮烤得焦脆，之後再落個鍋裏面將啲魚肉慢慢滾熟，蒜味入曬啲魚肉裏面，啲魚肉仲係好鮮嫩、好實淨，因為個烤魚鍋裏面放咗有鹹蛋黃，所以食到最後啲鹹蛋黃醬包住啲魚肉，令到口感更加惹味。
喱嗰烤鍋畀咗好多酸菜粒同埋蒜蓉，又有啲炸香咗嘅蒜片，另外配菜仲有：大豆芽菜、青瓜粒同蔥粒，加上鹹蛋黃，鹹香味濃。全場只有呢個鍋係唔辣嘅，雖然冇落薑，但條魚一啲都唔腥。
味道：7/10
性價比：7/10
🔸 烤牛仔骨 $39
有4塊，啲牛肉都係好嫩好有牛味嘅，味道主要係甜甜地辣辣地， 放咗好多香草碎落去一齊燒，好好食。
味道：8/10
性價比：7/10
🔸 烤鮮魷魚（隻） $39 烤臺灣香腸 $19
烤魷魚分咗兩串，肥肥大大成片魷魚，味鮮甜，有嚼口。
臺灣香腸就唔算大條，喺辣味嘅。
味道：7/10
性價比：7/10
🔸 至尊水果茶 $43
水果茶用個啤酒杯裝到一大杯，放咗好多雜果：有3粒西瓜球、 一個火龍果球、半片士多啤梨、幾粒藍莓、兩大片橙、3片蘋果、熱情果同埋椰果條，成杯嘢係混合咗好多新鮮嘅，水果茶飲落甜甜蜜蜜，咁大杯又畀咗咁多生果，抵飲又好飲😚
🔸 芒果沙冰 $39
芒果汁刨成冰沙，杯面有鮮甜嘅芒果粒，高身杯上枱，睇落好靚，味偏甜。
▪️
🔹環境：信OpenRice點，由旺角地鐵C3出朗豪坊行咗嗰大運至搵到，原來C4出口出地面轉後就喺旺角商業中心🤪
張貼
