金子半之助 (荃灣廣場)

營業中

休息中

雖然開翻關，去完日本，但都想繼續食日本嘢，金子半之助係香港愈來愈多分店，食過幾次晚餐都要排隊。迷你天丼和稻庭烏冬$118，烏冬冧身而且索湯，有茹菌，海老，溫泉蛋，料好多，而且佢會有個木盒，另外加上自己喜歡嘅配料有溫泉蛋，蔥花，海藻，鰹魚花，天婦羅碎。丼碗是用咗源自江戶時代的陶瓷工藝，佐賀有田燒來製作，碗底部份特意做成空心設計，為更能保持碗中食物的溫度，由外觀賣相到實用性，都是一絕的江戶前味道！江戶前天丼$138，丼上有穴子，肉質係比較纖細，外脆內軟。套餐包埋漬物同味噌湯。加上金子半之助採用日本特製高級胡麻油, 胡麻油製成的天婦羅芳香撲鼻及色澤會較深。另外追加海老2隻，海苔天婦羅$8，帆立貝魷魚天婦羅餅$28。