LA FAMILLE

營業中

休息中

呢間cake shop越開越多分店，係銅鑼灣開埋實在太方便了。一向好鐘意呢到細細件的戚風蛋糕。而且味道越出越多啦。今次見到有新口味，係京都焙茶，原來都係人氣之選。面層有宇治抹茶粉朱古力醬，切開入面睇原來仲有焙茶味的奶凍，中間仲有黑糖麻糬粒，入口好煙韌，焙茶味都幾突出，黑糖味可以中和番少少，所以食落甜度個人黎講岩岩好。另外，叫左個大甲香芋黑糖麻糬味。紫色好靚，打卡一流。呢到既蛋糕全部都食得又睇得！呢款蛋糕中間係有大甲香芋忌廉同黑糖麻糬，香芋味唔係平時食到好假個種！最鐘意中間有麻糬，食落冇咁dry，又有咬口！