影片
更多
2023-03-30
101 瀏覽
之前朋友生日慶祝🎉已經嚟過一次，都覺得唔錯👍🏻今次再訪見佢地轉左新menu添👍🏻👍🏻我就揀左6道菜嘅「招牌季節嘗味菜單」～由頭盤/沙律/主食/甜品所組成～另外，亦都聽侍應哥哥嘅推介再加配咗佢地精選嘅紅白酒🍷實行今晚美酒配佳餚😋😋「🥖特式餐包」&「🦀日本紅蟹肉豆腐奶凍」佢地個餐包好特別㗎，唔係跟牛油係跟一個麵豉醬同紫菜～鹹鹹地但又同餐包嘅甜味好夾，好有日式嘅感覺～鍾意食嘅仲可以無限refill添~至於紅蟹肉奶凍，柚子啫喱醋嘅酸味帶動出蟹肉嘅鮮甜～再配上豆腐奶凍嘅濃濃豆香，作為第一道菜非常清新開胃～「🦪焗日本生蠔配紫菜牛油」/「🥗慢煮日本A5和牛臀肉沙律」/「🍝波士頓龍蝦帶子意大利麵配自家製櫻花蝦XO醬」生蠔肥美鮮甜啖啖肉，和牛臀肉沙律嘅臀肉軟嫩濃香肉味～加上生雞蛋同日式燒肉汁，味道令人深刻難忘❤️至於龍蝦帶子意大利麵，佢哋個意大利面質地有啲似拉麵，會偏彈牙～龍蝦同帶子都好鮮嫩，不過略嫌醬汁嘅鹹鮮味濃左啲～如果可以淡返啲，海鮮味更出就會更加係我嘅口味～「🐮美國特級牛腰肉配柚子醋汁/澳洲M9和牛牛小排」作為扒房佢哋嘅牛肉係非常出色🌟🌟牛腰肉燒到外邊香脆，入面則細嫩富有嚼勁～配上柚子醋汁，味道好
之前朋友生日慶祝🎉已經嚟過一次，都覺得唔錯👍🏻
今次再訪見佢地轉左新menu添👍🏻👍🏻
我就揀左6道菜嘅「招牌季節嘗味菜單」～
由頭盤/沙律/主食/甜品所組成～
另外，亦都聽侍應哥哥嘅推介再加配咗佢地精選嘅紅白酒🍷
實行今晚美酒配佳餚😋😋
「🥖特式餐包」&「🦀日本紅蟹肉豆腐奶凍」
佢地個餐包好特別㗎，唔係跟牛油係跟一個麵豉醬同紫菜～
鹹鹹地但又同餐包嘅甜味好夾，好有日式嘅感覺～
鍾意食嘅仲可以無限refill添~
至於紅蟹肉奶凍，柚子啫喱醋嘅酸味帶動出蟹肉嘅鮮甜～
再配上豆腐奶凍嘅濃濃豆香，作為第一道菜非常清新開胃～
「🦪焗日本生蠔配紫菜牛油」/「🥗慢煮日本A5和牛臀肉沙律」/「🍝波士頓龍蝦帶子意大利麵配自家製櫻花蝦XO醬」
生蠔肥美鮮甜啖啖肉，和牛臀肉沙律嘅臀肉軟嫩濃香肉味～
加上生雞蛋同日式燒肉汁，味道令人深刻難忘❤️
至於龍蝦帶子意大利麵，佢哋個意大利面質地有啲似拉麵，會偏彈牙～
龍蝦同帶子都好鮮嫩，不過略嫌醬汁嘅鹹鮮味濃左啲～
如果可以淡返啲，海鮮味更出就會更加係我嘅口味～
「🐮美國特級牛腰肉配柚子醋汁/澳洲M9和牛牛小排」
作為扒房佢哋嘅牛肉係非常出色🌟🌟
牛腰肉燒到外邊香脆，入面則細嫩富有嚼勁～
配上柚子醋汁，味道好夾，越咬越香👍🏻👍🏻
至於和牛牛小排，完全唔需要啲乜嘢特別調味～
超級嫩滑！油花肉味極均勻，入口齒頰都充滿牛香，久久不散🤤🤤
「🥭🌶芒果山椒雪芭」
我鍾意食又辣又酸嘅雪糕，因為會好清爽～
而呢款唔止酸辣嘅衝擊，入邊每一款食材嘅配搭味道都充滿唔同嘅層次～
可以送走肉類嘅肥膩之餘，再添上一份清爽感令人心曠神怡😌😌
張貼
