LUMI (已結業)

人氣打卡花牆餐廳，大家都會揀佢假日brunch 或Afternoon Tea，其實呢度晚餐真係可以試吓。晚餐選擇有8 courses Experience Lumi 體驗，或者3 courses Dinner set，仲有5 courses Signature Dinner Set，或者menu 自己揀。今次㨂咗signature dinner set，熊谷喜八 十三種特調香料香煎帶子味道鮮甜、花蟹豬肉丸清湯味道清新，眼見好似清清地但入口非常鮮甜，香煎美國燒牛柳配鵝肝，煎得恰到好處，最好係一片片咁上，啱晒我哋傾偈唔使掛住喺度切牛柳，仲有個炸富山縣白蝦意大利扁意粉，意粉軟硬適中炒得香口，最後係甜品揀咗栗子布朗尼，唔駛成日食朱古力布朗尼呢個有驚喜。想搵間坐得舒服，服務唔錯，與朋友慶生或慶祝周年紀念，呢間值得一試。