麵屋丸京

營業中

休息中

等啊等，等咗足足30分鐘，先有位啊，睇嚟都係人氣拉麵店。坐吧位可以睇住師傅煮麵，仲可以睇吓啲figure collection。記住去之前睇清楚清湯日定濃湯日，逢一三清湯、四至日濃湯。*丸京拉麵 (清湯) $100 鋪滿拉麵碗嘅叉燒真係好澎湃，叉燒偏凍，可以浸入湯令佢暖啲。燶邊係叉燒，肉質比較緊致，有微微煙燻味。冇燶邊係真•叉燒，慢煮之後肉質比較嫩滑，有啲似火腿嘅鹹香。今日係清湯日，揀咗清湯，好啱我心水，清而唔膩。麵條彈牙，但掛得少湯，質素比較普通。配料有筍條，每條嘅鹹度都唔同😂溏心蛋非常出色，半熟蛋黃+醬油香。柚子胡椒湯 (+$10)非常特別嘅湯底，第一啖係好強烈嘅胡椒味，後勁會有陣淡淡嘅柚子酸甜，都係清爽型湯底。