影片
更多
2023-09-11
102 瀏覽
由大家票選出嚟嘅全港必食炸雞Top 1同必食Pizza Top 2！見啲分店成日都有人龍，我地好outdated而家先第一次食，一場嚟到揀咗幾款網上比較多人討論嘅款式試試佢-👍🏻薯角炭燒雞肉芝加哥 $223最signature嘅芝加哥pizza，主打巨量拉絲mozzarella內餡，賣相一流批底鋪滿mozzarella cheese，比較煙韌偏奶香，一拎起大量芝士拉絲蜜糖杏仁邊有滿滿嘅芝心，少少半溶流心感覺，食到蜜糖甜味入口有好明顯嘅炭燒香味，加上BBQ燒烤醬同爽脆洋蔥絲，但雞肉就稍為乾身咗啲，薯角就正常發揮整體真係幾有特色，嚟到必嗌！味道：9/10性價比：8/10-👍🏻群蟹派對 (轉金芝邊) $193/13”大 + $45味道類似平時個啲千島海鮮批，整體味道帶甜，表面鋪上大量木魚絲，蟹柳肉正常，三色椒味頗重批邊加錢轉咗金芝邊，微微焦脆，芝士味好濃，鹹香重，仲食到少少流沙奶皇味，甜甜地起沙口感，呢下就幾有驚喜呢款都好食，但兩款pizza相比芝加哥pizza較為有特色味道：9/10性價比：8/10-👍🏻蜂蜜蒜泥炸雞 $123/6件三款之中我地最鍾意呢隻味！蒜泥仍然咬到蒜粒口感，香甜中帶有
見啲分店成日都有人龍，我地好outdated而家先第一次食，一場嚟到揀咗幾款網上比較多人討論嘅款式試試佢
-
👍🏻薯角炭燒雞肉芝加哥 $223
最signature嘅芝加哥pizza，主打巨量拉絲mozzarella內餡，賣相一流
批底鋪滿mozzarella cheese，比較煙韌偏奶香，一拎起大量芝士拉絲
蜜糖杏仁邊有滿滿嘅芝心，少少半溶流心感覺，食到蜜糖甜味
入口有好明顯嘅炭燒香味，加上BBQ燒烤醬同爽脆洋蔥絲，但雞肉就稍為乾身咗啲，薯角就正常發揮
整體真係幾有特色，嚟到必嗌！
味道：9/10
性價比：8/10
-👍🏻群蟹派對 (轉金芝邊) $193/13”大 + $45
味道類似平時個啲千島海鮮批，整體味道帶甜，表面鋪上大量木魚絲，蟹柳肉正常，三色椒味頗重
批邊加錢轉咗金芝邊，微微焦脆，芝士味好濃，鹹香重，仲食到少少流沙奶皇味，甜甜地起沙口感，呢下就幾有驚喜
呢款都好食，但兩款pizza相比芝加哥pizza較為有特色
味道：9/10
性價比：8/10
-👍🏻蜂蜜蒜泥炸雞 $123/6件
三款之中我地最鍾意呢隻味！
蒜泥仍然咬到蒜粒口感，香甜中帶有生蒜嘅辣味，蒜香味非常突出，好惹味
炸雞帶骨，胸髀翼部位都有，整體各個部位都好嫩滑有肉汁，係個別有2-3舊炸得耐啲，少少鞋
醬汁唔算多，唔係成件炸雞都沾滿醬汁個種
不過調味啱啱好，有時太多醬反而有啲漏同會搞到雞皮冇咁脆，呢度就冇呢個問題
食到攤凍咗都仲好脆口，唔怪得高票當選為全港必食炸雞Top 1，真心正！
味道：10/10
性價比：9/10
-👍🏻半半炸雞 (芝士秘製炸雞 & 蒜香甜辣秘製炸雞) $223/12件
芝士雞味道偏甜，有啲估佢唔到，淡淡芝士味唔算好搶
始終啲芝士粉係灑上去冇沾滿成舊雞，有啲位會好似食緊原味炸雞咁，不過本身舊雞都夠味嘅
蒜香甜辣相對另外兩款平凡少少，就係帶蒜味嘅甜辣炸雞，辣度溫和
味道：9/10
性價比：8/10
-👍🏻Pineapple Flora Iced Tea & Mango Grapefruit Ade $48
Iced tea果味重好清新，最重要係唔死甜，比想像中好飲
芒果西柚就稍甜，不過芒果味都幾濃嘅
味道：8/10
性價比：8/10
-尖沙咀新店環境好靚，大大個海景，但價錢同其他分店一樣冇特別貴
整體炸雞同pizza樣樣都獨當一面，份量多但價錢合理，CP值真係幾高，果然信大家嘅推介係冇錯的
-📍#PizzaMaru @pizzamaruhk
尖沙咀廣東道3-27號海港城海運大廈LCX 3樓34號舖
銅鑼灣軒尼詩道500號希慎廣場13樓1302號舖
旺角亞皆老街8號朗豪坊4樓3號舖
荃灣楊屋道1號荃新天地UG樓UG28&30號舖
元朗元龍街9號形點 I L1樓1076號舖
屯門屯順街1號屯門市廣場1期2樓2030-2033號舖
張貼
