影片
更多
2011-03-24
3 瀏覽
剛在中環鏞記酒家斜對面新開張嘅秀拉麵，聽聞係曾風靡東京及紐約嘅人氣拉麵店，香港分店亦以鋪天蓋地式宣傳，似乎要向一街之隔，同樣以賣博多拉麵嘅豚王立下挑戰書，而我地一班食友都對秀拉麵有所期望，所以亦決定盡快組團來朝拜。秀拉麵跟豚王一樣以剔紙仔形式落單，拉麵款式主要分為博多元祖拉麵，白秀拉麵，黑秀拉麵及赤秀拉麵四種。雖然我地黎到只係晚上７點，但博多元祖拉麵早已沽清，大家亦只好在赤黑白之間作選擇。白即豬骨湯底，黑就加入黑醬油，而赤就係加入秘製辣油。三位食友Ｈ君Ｊ君Ｓ君同樣由於早前已忍唔住到訪過，所以對其麵質早有一定理解，最後我聽取其意見，選擇較硬嘅麵質，因為佢地不約而同都話麵條太快變軟...赤秀拉麵送來時，單睇份量份量較我預期嘅少，腦海中亦不期然令我想起果碗價錢差唔多，但睇落大堆頭嘅赤王（豚王出售嘅辣味拉麵），的而且確係有點失望，但味道先至係最重要，大家都一齊起動喇～いただきます！！先試一啖湯頭，豬骨湯唔算好稠濃，入口感覺並無預期中咁豐厚，水準不過不失。赤秀中嘅秘製辣油跟湯慢慢混和，辣度剛好唔嗆喉之餘，更令豬骨湯增添返一點色彩。麵條方面用上九洲拉麵常見嘅幼身麵線，蛋香略嫌唔多夠，而且如一班食友
秀拉麵跟豚王一樣以剔紙仔形式落單，拉麵款式主要分為博多元祖拉麵，白秀拉麵，黑秀拉麵及赤秀拉麵四種。雖然我地黎到只係晚上７點，但博多元祖拉麵早已沽清，大家亦只好在赤黑白之間作選擇。白即豬骨湯底，黑就加入黑醬油，而赤就係加入秘製辣油。三位食友Ｈ君Ｊ君Ｓ君同樣由於早前已忍唔住到訪過，所以對其麵質早有一定理解，最後我聽取其意見，選擇較硬嘅麵質，因為佢地不約而同都話麵條太快變軟...
赤秀拉麵送來時，單睇份量份量較我預期嘅少，腦海中亦不期然令我想起果碗價錢差唔多，但睇落大堆頭嘅赤王（豚王出售嘅辣味拉麵），的而且確係有點失望，但味道先至係最重要，大家都一齊起動喇～いただきます！！
先試一啖湯頭，豬骨湯唔算好稠濃，入口感覺並無預期中咁豐厚，水準不過不失。赤秀中嘅秘製辣油跟湯慢慢混和，辣度剛好唔嗆喉之餘，更令豬骨湯增添返一點色彩。麵條方面用上九洲拉麵常見嘅幼身麵線，蛋香略嫌唔多夠，而且如一班食友所講，好快就變軟成糊狀，食落明顯有鹼水味，感覺唔係太討好。而相比MIST果種筋性較低嘅小麥麵線，更加係輸足成條街，雖然一下子要改進麵質唔係易事，但店方真係要好好留意一下...叉燒水準反而幾好，如果無估錯應該係用上鹿兒島豚肉，肥瘦恰到好處，咬落質感亦豐腴，蘸埋秘製辣油後食，感覺味美。
食拉麵又點可以無左唔流心蛋，落單時由於太興奮而忘記填寫要加蛋，所以麵到來後先至另外補上。呢度嘅半熟蛋水準只係一般，蛋白部份雖然食落軟滑，但蛋黃亦差唔多已全熟，失望至極。不過在拉麵店要食一隻真正半熟嘅流心蛋，應該唔係過份嘅要求吧！
其他食友嘅白秀聽聞只係一般貨色，而且湯頭亦未能做到如其名嘅奶白色，望落都幾油膩。所以下次到來時，呢款白秀拉麵我唔多值得推介大家試。
食友Ｈ君曾對秀拉麵嘅烤叉燒高度評價，加上一份六塊叉燒只賣$38，在座人人有份，所以大家毫不猶豫決定來一客。叉燒肥瘦均勻，肉邊位烤得微焦，咬落甘香鬆化，而表面在油脂反映之下，顯得格外味美，值得推介！
較早前曾有食友對博多一口煎餃子($48)彈到體無完膚，今次大家神推鬼㧬之下叫一客作平反，而且再三叮囑侍應要廚房煎到跟餐牌上餃子相片一樣呈金黃色。最後送來嘅煎餃子賣相已較預期好，味道跟大阪王將果類不枉多樣，絕無驚喜可言，諗到呢個價錢到日本超市買個黑豚餃子返屋企慢慢煎，肯定仲開心！其實...諗深一層...煎餃子好難咩？若然秀拉麵想在香港打響名堂，無論在服務，湯底及麵質等都非要改進不可。當然小店並唔係一無可取，起碼烤叉燒比起MIST達磨等上位麵店做得更出色。依家始終開業無耐，希望不久嘅將來可以見到佢有飛躍進步吧～
張貼
