神戶屋日韓放題

營業中

休息中

前排成日喺社交平台見到呢間日韓放題餐廳，集齊多款刺身、壽司、韓式料理、燒物、炸物、火鍋、甜點、飲品等。最近更推出大閘蟹放題，額外加錢就可以品嚐得到～ 平日晚上Full House，等候區迫滿咗人，就算Book咗位都要等，證明真係好出名🤣 唔想等嘅記得唔好喺Peak Hour去，好誇張。先嚟大大碟刺身，賣相一流，超級打卡able。最鍾意係三文魚，厚切，肥美，鮮甜、赤蝦、帶子同玉子都唔錯，點埋豉油同芥末更加好味。另外值得一讚嘅係呢度嘅火炙壽司，燒得啱啱好而且夠多醬，尤其是係三文魚腩，絕對比得上出邊嘅壽司專門店，好有驚喜。食物款式眾多，私心推介嘅包括汁燒雞肉串，軟嫩多汁、鹽燒鯖魚，新鮮啖啖肉、芝麻雞翼，嫩滑可口、芝士年糕外脆內爆漿、海苔多春魚天婦羅，鹹香酥脆、同雞軟骨，惹味帶咬口。整體炸物都幾出色，熱辣辣上枱要趁熱食。食到悶悶地就可以攞埋甜品同雪糕，食完又可以嚟Round Two✌️