影片
更多
2023-01-26
458 瀏覽
喺土瓜灣拜完年，見閒著沒事，提議先到區內四處逛逛，然後再去 U PLACE「嘉樂冰廳」嘅新分店吃頓 late lunch。餐廳早於 1978 年開業，屹立荃灣超過 40 年，絕對稱得上係香港嘅老字號。而土瓜灣呢間新店嘅佈置亦別具特色，門前設有懷舊主題打卡位，戶外露天茶座更可以讓顧客與寵物共同用餐，打造寵物友善場所。餐廳採 QR Code 形式自助落單，非常方便，而且價錢貼地，全日不設加一。先嚟一客餐廳名物，超厚夠吋滑蛋鮮牛治 ($33)，果然好足料，估計用咗多達 6-7 隻雞蛋，食落蛋香味勁濃郁，牛肉新鮮嫩滑，入口啖啖肉汁，令人食慾大增。大滿足火腿奄列 ($35) 亦做得好有水準，Size 超巨型，比坊間嘅茶記足足大 2 倍有多，絕對係真材實料，煎蛋火候適中，入口蛋甜腿香，+$3 仲可以配多份多士👍酥炸菜肉雲吞 ($23) 雲吞即叫即炸，上桌時熱辣辣，外皮超級香脆，菜肉比例亦啱啱好，點埋個酸甜汁食，堅好味！另外仲點咗碗菜遠柱侯牛腩飯 ($52) 牛腩質量高，又腍又入味，牛筋爽滑煙韌，咬一啖已有膠質嘅感覺，充滿住家風味，用嚟送飯一流。跟餐 +$9 可以配杯蛋白杏仁茶，好香滑，杏仁味
喺土瓜灣拜完年，見閒著沒事，提議先到區內四處逛逛，然後再去 U PLACE「嘉樂冰廳」嘅新分店吃頓 late lunch。
餐廳早於 1978 年開業，屹立荃灣超過 40 年，絕對稱得上係香港嘅老字號。
而土瓜灣呢間新店嘅佈置亦別具特色，門前設有懷舊主題打卡位，戶外露天茶座更可以讓顧客與寵物共同用餐，打造寵物友善場所。
餐廳採 QR Code 形式自助落單，非常方便，而且價錢貼地，全日不設加一。
先嚟一客餐廳名物，超厚夠吋滑蛋鮮牛治 ($33)，果然好足料，估計用咗多達 6-7 隻雞蛋，食落蛋香味勁濃郁，牛肉新鮮嫩滑，入口啖啖肉汁，令人食慾大增。
大滿足火腿奄列 ($35) 亦做得好有水準，Size 超巨型，比坊間嘅茶記足足大 2 倍有多，絕對係真材實料，煎蛋火候適中，入口蛋甜腿香，+$3 仲可以配多份多士👍
酥炸菜肉雲吞 ($23) 雲吞即叫即炸，上桌時熱辣辣，外皮超級香脆，菜肉比例亦啱啱好，點埋個酸甜汁食，堅好味！
另外仲點咗碗菜遠柱侯牛腩飯 ($52) 牛腩質量高，又腍又入味，牛筋爽滑煙韌，咬一啖已有膠質嘅感覺，充滿住家風味，用嚟送飯一流。
跟餐 +$9 可以配杯蛋白杏仁茶，好香滑，杏仁味重，甜度恰好。
甜品脆爆華田西多士 ($39) 亦很有驚喜，不僅外型美觀，而且每件面層都鋪咗煉奶同灑上了華田脆粒，入口外脆內軟，配上夾層花生醬，充滿港式味道，最適合相機食先打卡！
食完再嘆埋杯特飲，阿華田脆脆 ($30) 冰涼舒爽，加上甘脆香口嘅華田脆米，令味道瞬間提升；龍鳳檸樂 ($23) 以鮮檸、鹹檸+可樂炮製，味道都幾 Match。
張貼
