影片
更多
2021-04-24
238 瀏覽
❀ 燈籠滷味 #旺角 ❀❗️人氣滷味店但稍為失望 反而芋泥蛋餅仲好食❗️——————————————————呢間人氣滷味店由台灣過江龍到香港已經有一段時間，除咗喺銅鑼灣嘅咁點之外，仲喺朗豪坊有分店，但依然長期需要排隊🤯今次嚟到朗豪坊嘅分店一試佢嘅滷味係咪真係咁出色，自己覺得都算好食但又冇想像中咁有驚喜，反而佢嘅蛋餅仲吸引🤔另外，論及台灣風味，自己覺得位於堅尼地城嘅阿元來了仲地道，侍應都係台灣人，相反呢間就都係香港人做返侍應，而且服務態度相對差，可能始終太忙碌，等待時間亦都較長🙈。.✷𝑀𝑒𝓃𝓊✷☞ 招牌燈籠滷味 $110 (3.5/5)本身有二人餐，包括滷味、兩款小食、兩杯飲品，但係就規定咗滷味選擇 冇乜肉類。所以我哋決定自己單點，可以試到自己想食嘅配料。今次揀咗豬脷、肝連、鴨胗、蹄膀、生腸、白蘿蔔、甜不辣，其實大部份嘅配料都唔錯，而且都係用上相同嘅滷汁，所以唔會有太大分別，視乎你本身鍾意食咩肉類或者配料😆。除咗肝連相對上普通似係瘦肉、同埋生腸唔算太好食之外，其他我都推薦👌🏻。最大賣點當然就係台灣運送過嚟嘅滷水汁，用咗桂皮、花椒、甘草等十多種香料，偏向甜甜地隱約有啲紅燒湯底嘅香氣，但又冇想像
❗️人氣滷味店但稍為失望 反而芋泥蛋餅仲好食❗️
——————————————————
呢間人氣滷味店由台灣過江龍到香港已經有一段時間，除咗喺銅鑼灣嘅咁點之外，仲喺朗豪坊有分店，但依然長期需要排隊🤯今次嚟到朗豪坊嘅分店一試佢嘅滷味係咪真係咁出色，自己覺得都算好食但又冇想像中咁有驚喜，反而佢嘅蛋餅仲吸引🤔另外，論及台灣風味，自己覺得位於堅尼地城嘅阿元來了仲地道，侍應都係台灣人，相反呢間就都係香港人做返侍應，而且服務態度相對差，可能始終太忙碌，等待時間亦都較長🙈。
.
✷𝑀𝑒𝓃𝓊✷
☞ 招牌燈籠滷味 $110 (3.5/5)
本身有二人餐，包括滷味、兩款小食、兩杯飲品，但係就規定咗滷味選擇 冇乜肉類。所以我哋決定自己單點，可以試到自己想食嘅配料。
今次揀咗豬脷、肝連、鴨胗、蹄膀、生腸、白蘿蔔、甜不辣，其實大部份嘅配料都唔錯，而且都係用上相同嘅滷汁，所以唔會有太大分別，視乎你本身鍾意食咩肉類或者配料😆。除咗肝連相對上普通似係瘦肉、同埋生腸唔算太好食之外，其他我都推薦👌🏻。
最大賣點當然就係台灣運送過嚟嘅滷水汁，用咗桂皮、花椒、甘草等十多種香料，偏向甜甜地隱約有啲紅燒湯底嘅香氣，但又冇想像中咁複雜豐富，還可以但未算太有驚喜🙈。
另外我哋額外加多咗個台灣特色王子麵，當時冇做足資料蒐集，唔知道原來係公仔麵。。。而且味道同香港嘅福麵或者合味道非常相似，都係偏向扁、細，稱唔上係好食嘅公仔麵，唯一好處係都算入味😶。
招牌燈籠滷味
216 瀏覽
0 讚好
0 留言
招牌燈籠滷味
255 瀏覽
1 讚好
0 留言
.
☞ 人氣爆漿蔥抓蛋餅 芋泥肉鬆 $48 (4.1/5
蛋餅真係幾唔錯，而且有我最愛嘅芋泥😆，甚至覺得俾滷味更加出色。
用上蔥油餅，表面香脆加上少少煙韌，包着大量芋泥肉鬆，同埋一層蛋漿，香口美味！
唯獨係如果要求高啲，芋頭味道可以再香濃啲，不過喺香港食到咁樣質素都唔錯🥰。
人氣爆漿蔥抓蛋餅 芋泥肉鬆
$48
120 瀏覽
1 讚好
0 留言
.
☞ 板橋夜市蚵仔酥 $52 (2.8/5)
失望，唔推薦。
以為係蚵仔煎，點知原來係蚵仔嘅鹽酥雞版本，都唔緊要，最大問題係個粉太厚🤓而且蚵仔本身比起雞肉腍身脆弱好多，所以入口真係冇乜蚵仔嘅感覺，純粹有少少腥味。
板橋夜市蚵仔酥
$52
88 瀏覽
1 讚好
0 留言
.
☞ 雞油香蔥雞肉滷肉飯 小 $58 (3.8/5)
多嚿斬件雞，加上香蔥雞油，甚至比海南雞飯嘅雞件更加滑溜(*☻-☻*)。
不過滷肉飯就冇想像中咁出色，醬汁都好味而且有一半瘦肉一半肥肉，但係未至於驚為天人，而且唔足夠撈晒成碗飯 (留意雖然係細碗，但原來有成兩碗飯咁大🤯，就咁食當一餐都一定飽)
雞油香蔥雞肉滷肉飯
$58
137 瀏覽
0 讚好
0 留言
——————————————————
✨整體味道: 3.8/5
✨環境裝修: 3.5/5
✨服務態度: 3/5
✨性價比: 3.6/5
✨再訪興趣: 3/5
.
💞整體來講
可能期望有啲高，整體又冇想像中咁出色。唔係唔好食，不過如果要排好耐隊先食到就唔係好值，反而鍾意佢嘅蛋餅多啲🧐如果見到冇乜人又鍾意食開滷味嘅都可以試吓嘅。
張貼
