Age.3

營業中

休息中

朋友曾經係日本食過炸三文治超好食,佢知道係香港都開左,所以立即帶我一齊去食啦!!呢間來自日本福岡人氣炸三文治既專門店,裝修以白色為主,簡約清新,特別整左一邊有彩紅色既特色牆好搶眼,呢度既炸三文治都係即叫即炸,有甜味又有鹹味,全部口味多達三十幾款,佢地用既忌廉都係零卡路里,食起來唔會有咁大罪惡感,因為呢間係香港第一間既海外專門店,仲有香港限定口味添!☆ 半熟蛋日式炒麵炸三文治熱辣辣好香脆,內裡放滿日式炒麵,醬汁香濃,加埋半熟蛋,餡料滿滿食起來都唔會食到成手油淋淋,仲好好食添☆ 玉桂蘋果批金黃香脆既三文治內放滿柔軟輕盈既忌廉,上面加左幾片蘋果,灑上糖同肉桂粉,食起來唔會覺得好膩,酸酸甜甜,又香又好食