Munchies (新中環大廈) (已搬遷) 新店位置

呢間小店有別於一般漢堡店，漢堡選擇以雞肉為主，而且仲有自家製醬汁。嗌咗兩份MUNCHIES 優惠套餐(COMBO B @$98)，當中除咗有雞肉漢堡，仲有我最鍾意食嘅薯格同特飲😻。🍔松露蛋黃醬雞肉漢堡 雞肉漢堡直徑超過一個手掌長，超巨形😆。麵包鬆軟，炸到金黃色嘅雞扒肉嫩多汁，大啖咬落去肉汁咇晒出嚟。松露蛋黃醬雖然松露味較淡但食落幾特別，配搭椰菜絲同餐廳自家醃製青瓜，味道層次豐富。🍔蜜糖芥辣雞肉漢堡 蜜糖芥辣蜜糖味較重，芥辣味唔明顯，唔會有我最怕嘅嗆鼻感覺。醬汁酸酸甜甜開胃惹味，同雞扒好夾。🥤金菊龍珠果烏龍茶所有果汁都係以時令水果榨成，而且卡路里只有50-70克。美國製作嘅全天然冷壓新鮮金菊龍珠果茶，少甜冰震，烏龍茶甘香解渴，係出色嘅配搭。🥤洛神花蘆薈氣泡水洛神花健康降三高，有機抗氧化，食完炸物後飲，感覺味道清新健康。