人和月雞煲火鍋店 (已結業)

今日收工約咗朋友去人和月打邊爐，一入到去覺得個環境幾企理，唔會話好迫，都有足夠既空間。今次我地叫左味鮮卜卜蜆，之後我哋就出去睇吓有咩食，啲嘢食都放得幾乾淨。拎咗啲熟食去試吓，唔知係咪日日款式都唔同。拎咗泰式豬頸肉，都幾香口幾惹味。仲拎咗啲炸魚蛋試下，都係正常嘅。另外我最愛係佢嗰個清湯腩，入面好多牛肉炆得好腍，不過都係唔好食咁多一陣食飽咗個肚。坐多陣之後個卜卜蜆就嚟咗，入面啲蜆都幾大隻，食落口都幾甜同埋都冇沙。另外仲有好多蝦，因為我好鍾意食蝦嘅關係，所以都好滿意。呢度價錢都幾抵，一個價錢可以食到兩個鍋。之後我哋就轉左野菌冬瓜湯做邊爐湯底，呢度嘅自助區喺放題區來講幾出色，蔬菜好新鮮同埋好衛生，食得好放心。之後就上咗牛拼盤，啲牛肉好重牛味，重點推介牛下肩，因為可以無限嗌嘅關係，真係幾唔錯。另外就食埋甜品，有雪糕同埋豆腐花仲有糖水，食到好飽。