Salamat Cafe (已結業)

今晚同女朋友入左元朗探朋友，揸車入到黎發現元朗夜晚非常精彩，餐廳非常多元化。每間餐廳都有好多人排隊，女朋友就想去食Salamate cafe。餐廳唔大，座位唔多，晚市時間都要排隊先食到。非連鎖店，非大集團，值得支持一下。女朋友叫左挪威三文魚鮮三文魚籽檸檬忌廉汁意大利粉。賣相擺碟好精美，醬汁輕盈完全唔膩，三文魚籽咸香突出，最愛意粉口感非常彈牙。我叫左香煎虎蝦、BB墨魚墨汁意大利飯。飯粒煙韌，海鮮好新鮮。