SOYmart by 豆乳狂人

營業中

休息中

踏入寒冬，最幸福嘅莫過於嚟一碗滋潤嘅糖水！今次帶大家嚟到 SOYmart by 豆乳狂人，一試佢哋嘅冬日限定糖水同埋人氣小食，絕對係滋潤之選！ ❤️薑汁麻薯芋薯糖水一打開已經聞到濃濃嘅薑汁香氣，瞬間驅走寒意！糖水甜度適中，薑汁味道濃郁但唔會嗆喉，飲完成個人暖笠笠！ 主角麻薯同芋薯更加係亮點！ 薑汁白玉煙韌彈牙，帶有淡淡薑味； 拉絲鮮奶麻糬軟糯綿密，拉絲效果一流，奶香濃郁； 三色芋薯分別係紫薯、芋頭同蕃薯，每一款都香甜軟糯，口感豐富！ 🧡滋潤之選三色芋圓呢款糖水相對清爽，適合鍾意食芋圓嘅朋友！三色芋圓分別係紫薯、芋頭同地瓜，每一粒都煙煙韌韌，咬落去好有口感！糖水配上桃膠超級滋潤。💛多芒小丸子芒果控必試！呢款糖水用料十足，滿滿嘅芒果肉香甜多汁，小丸子煙韌彈牙，仲有西米增加口感，整體味道清新，食完唔會覺得膩！ 💚牛油果吉列蝦青瓜絲粢飯食完糖水，當然要試埋佢哋嘅鹹點！粢飯即叫即製，熱辣辣！牛油果熟成度剛好，口感creamy；吉列蝦炸得香脆可口；青瓜絲清爽解膩，整體配搭非常出色！