齋啡 (已結業)

✦ 羽衣甘藍、藜麥及牛油果碗 呢個能量碗係健康新鮮之選，有好爽脆羽衣甘藍，有好多粒粒藜麥，仲有切成玫瑰花形嘅牛油果🥑材料好豐富，份量又多，配埋特色開胃醬汁，推介必食👍🏻✦ 火箭菜、蕃茄及新豬肉酸種麵包 火箭菜味道非常醒神，有鮮甜嘅蕃茄仔，仲有新素肉-新豬肉，口感同真豬肉差不多，素豬肉質地比真豬肉更加滑身，不妨試試😝酸種麵包口感鬆軟，有彈性，酸香味道獨特，配搭以上新鮮的配菜，非常出色✦ 伯爵茶蛋糕 好喜歡呢個方型小蛋糕，份量剛剛好，不會太大件，一上枱，已經聞到香濃嘅伯爵茶味道，蛋糕Cream亦非常滑身，不錯的✦ 朱古力朗尼 焗到外脆內軟嘅朱古力朗尼，朱古力味道甜而不膩，尤其喜歡入面軟心嘅部分，非常軟熟，甜度適中！✦ 蝶豆花柚子梳打顏色分成兩個層次，由紫色漸變黃色，柚子梳打味道清新，解渴之選✦ 手沖咖啡 來自巴西咖啡豆，較重Nutty味道，入口滑身，仲有好多款咖啡豆可供選擇！