8鍋臭臭鍋 (金巴利道) (已結業)

8鍋臭臭鍋—之前聽到佢係香港終於開分店就一直想試，今日經過尖沙咀，終於可以一試啦，想念台灣既味道😍 見到食評話星期六都應該幾多人，所以就決定早少少黎食，1800左右就到左啦，好彩早d, 因為7點走個陣出面好多人等緊，果然係旺😆環境方面，呢度d坐位唔算太迫，燈光就暗暗地，坐得幾舒服～睇睇menu先，佢一個鍋會包埋飯/粉絲。我就點左個芝士牛乳鍋，個湯好好飲，好濃既牛奶同芝士香味。入面材料都好豐富嫁，有牛肉、三粒丸、餃子、娃娃菜等等，而且份量都算幾多，值得一讚係牛肉都算幾靚，幾有牛味。我就叫左粉絲，因為粉絲先會索曬d湯底，先可以真正品嘗到芝士牛乳鍋😆食到最後，我都差唔多飲曬成煲湯，證明湯底真係好正🤣朋友點左個招牌臭臭鍋。佢本身好鍾意食臭豆腐，佢就話呢個鍋絕對夠臭🤪鍾意臭豆腐既朋友係必點呢個鍋。豆腐份量都算幾多，入面都有好多款材料呢😍總既黎講，呢間野性價比幾高，兩個人食一餐晚飯，都係每人$100多少少，係尖沙咀真係算抵食。如果冇時間去台灣食臭臭鍋，就當然要黎呢度食🤣