影片
更多
2022-04-20
49 瀏覽
復活節最後一日假期，近近地去朋友屋企樓下食好西先，呢間窄巷入面嘅銘興，每次行過都好多人等位，是日特登早啲出黎試佢。可能假期啲人無咁早起身？十二點黎到居然唔使等可直入，揀張大枱坐得舒服啲先。睇睇餐牌，嘩～好多野都想食，朋友話橫掂有消費券就食豪啲啦，叫多幾個小食share。食物超快到齊，係食之前加啲酸蘿蔔先，呢度個唔錯喎，夠酸帶微辣又爽口。旁邊仲有潮式辣椒油喎，加分加分～呢黎辣油最正。朋友點嘅花雕醉雞刀削麵，雞件又嫩又滑，皮下唔肥，個花雕酒好入味，仲有隻溏心蛋，正喎。玩刀削麵要咗清湯底，可能朋友重口味喇，佢就話個清湯略為淡咗啲，不過佢一向都食開麻辣麵，清湯唔啱佢，不能作準。自己就要咗呢碗麻辣豬大腸刀削麵，大腸滷得入味，厚切，入面仲有唔少肥膏有咬口，個人鍾意呢種肥滋滋嘅豬大腸，麻辣汁夠麻夠香，上面仲有一大坨生蒜，好好味，不過係重口味之選黎。至於碗刀削麵就加咗擔擔醬，少少辣幾香口，麵條有咬口，多蔥多芫茜正呀。小食方面要咗兩樣，兩樣都係麻辣味嘅肉類，朋友一向多肉少菜，每次出街話返碟菜佢都會反對，最後都會變成嗌多碟肉，哈哈。先講下呢啲麻辣手撕雞，雞肉撕得非常碎，而且本身冇乜味，主要都係靠個麻辣汁嘅
可能假期啲人無咁早起身？十二點黎到居然唔使等可直入，揀張大枱坐得舒服啲先。睇睇餐牌，嘩～好多野都想食，朋友話橫掂有消費券就食豪啲啦，叫多幾個小食share。
食物超快到齊，係食之前加啲酸蘿蔔先，呢度個唔錯喎，夠酸帶微辣又爽口。旁邊仲有潮式辣椒油喎，加分加分～呢黎辣油最正。
朋友點嘅花雕醉雞刀削麵，雞件又嫩又滑，皮下唔肥，個花雕酒好入味，仲有隻溏心蛋，正喎。玩刀削麵要咗清湯底，可能朋友重口味喇，佢就話個清湯略為淡咗啲，不過佢一向都食開麻辣麵，清湯唔啱佢，不能作準。
自己就要咗呢碗麻辣豬大腸刀削麵，大腸滷得入味，厚切，入面仲有唔少肥膏有咬口，個人鍾意呢種肥滋滋嘅豬大腸，麻辣汁夠麻夠香，上面仲有一大坨生蒜，好好味，不過係重口味之選黎。至於碗刀削麵就加咗擔擔醬，少少辣幾香口，麵條有咬口，多蔥多芫茜正呀。
小食方面要咗兩樣，兩樣都係麻辣味嘅肉類，朋友一向多肉少菜，每次出街話返碟菜佢都會反對，最後都會變成嗌多碟肉，哈哈。
先講下呢啲麻辣手撕雞，雞肉撕得非常碎，而且本身冇乜味，主要都係靠個麻辣汁嘅辣味，不過撈混咗之後辣辣哋都唔錯。
另一碟係麻辣東坡肉，朋友一向鍾意食肥豬肉五花腩呢啲，佢一見到有東坡肉就要嗌，咁就要一碟試下啦。條五花腩厚切，幾香鹵水味，加上麻辣汁辣辣地好惹味，同樣有一大坨生蒜，個人覺得同豬大腸嗰碟差唔多味，不過五花腩層肥層瘦咁口感就唔同嘅。
最後就係要咗凍檸茶走甜同凍奶茶，兩杯都唔錯幾好飲吖。
食咗大概半個鐘出面已經企滿人等位，搞到都唔好意思慢慢食，但係叫咗咁多嘢想快都快唔到啦。
張貼
