德福閣

之前試過哩間buffet，性價比好高，FD又想食蟹腳，咁encore啦。宜家哩間buffet人氣好旺，晚市基本full曬，九成客人都係街坊幫襯，好勁。嘢食唔會話好多，不過每個品種都有曬，頭盤，刺身，熱盤，甜品同飲品。一坐底，即刻送咗8隻生蠔過來，生蠔即開，雖然個頭唔算太大，不過新鮮肥美，好食到只剩2隻才記得影相。頭盤好有誠意，沙律已經好多品種可以揀，仲有火腿蜜瓜哩啲少見款式，火腿品質唔錯，搭配埋鮮甜蜜瓜好好味。哩間buffet，刺身仲有鯖魚提供，我最鐘意食鯖魚，成晚食咗3-4件。蟹腳係必試，蟹肉鮮甜好味，仲refill得好快，唔洗同人搶住食，食多幾轉都冇問題。熱盤勁豐富，清蒸斑魚火候啱啱好，鮮嫩肥美。海南雞質素好高，皮薄肉嫩，好少肥膏，真係好味到食咗4-5件。甜品品種都唔錯，最驚喜有即整疏忽厘，不過要記得先去攞牌，才有得食啦。疏忽厘即叫即整，入口即化，又唔會好甜，搭配埋Movenpick雪糕，簡直一流。哩邊仲有好少見嘅椰子味雪糕，唔錯。全晚餐廳都refill得好快，侍應見到乜冇咗，即刻refill，完全唔似出面啲餐廳要搶住攞好嘢食。同埋啲侍應好醒目，見到客人食完，即刻清曬啲碟又幫忙加水