三不館車仔麵 (廣福道)

營業中

休息中

呢間車仔麵檔裝修懷舊，有好多懷舊招牌、士多檔擺設，裏面地方不大，但正因為咁，加上佢嘅桌椅係用摺檯摺凳，更有七八十年代嘅懷舊風味。金牌麻辣豬手、秘製香醬鳳爪、豬皮、美顏清湯、鮮制油麵加金牌麻辣汁豬手炆得淋又入味，又麻又香，愛辣人士之選；秘製香醬香得嚟又甜甜地，炆得鳳爪入哂味，正；豬皮夠爽；油麵彈牙，用清湯底不搶金牌麻辣汁味道，食到Lam Lam 脷。滷水鮮豬大腸、咖喱魷魚、懷舊牛腩、牛腩汁湯底加古法辣汁(小辣)粗麵豬腸好乾淨，夠大又夠爽；咖喱魷魚咖哩味濃魷魚彈牙；牛腩炆得淋；古法辣汁配粗麵食好夾。樽裝奶茶茶味香濃，好飲！