COTTI COFFEE

營業中

休息中

打工仔返工無精神就當然要靠飲咖啡提神，雖然灣仔有好多不同連鎖店選擇，但無人會嫌多，見到有間COTTI COFFEE新開，上網一查原來係國際連鎖品牌，仲要係阿根廷國家足球隊贊助商，而灣仔係佢打入香港第2間分店。由於新店開張做優惠，平均一杯咖啡都係20幾蚊，係港島區買到20幾蚊既咖啡真係唔簡單，於是download左佢apps落單，買完會通知你大概幾多分鐘可以去拎，十分方便，岩晒追求效率既香港人。咖啡選擇都好多，除左大路既美式、鮮奶咖啡，佢另外有2杯顏色好特別既”潘帕斯藍厚乳茉莉咖啡” 同 “蜜瓜茉莉厚乳咖啡”，藍藍綠綠咁樣都幾得意。我最後叫左杯 “星塵厚乳咖啡”，係黑糖鮮奶咖啡加黑糖晶球，揀左半糖，入口唔會死甜，咖啡香氣十足，黑糖晶球口感煙韌，成杯野都好好飲，即刻成個人叉晒電。怪唔得創辦唔夠2年已經成為全球國際性品牌，因為佢性價比真係不錯，比其餘連鎖品牌差不多平$10，但質素並無比下去，如果係附近做野既不妨可以一試。