劉一手重慶火鍋 (又一城)

營業中

休息中

雖然9月嘅香港天氣仍然出奇地酷熱，今晚都約上朋友專程來試下重新登陸香港嘅重慶劉一手。新店採用大紅色及臉譜搭配淺木，會令人聯想起重慶紅油麻辣火鍋嘅湯底。餐廳當晚幾乎滿座，睇黎都仲係相當有人氣。新店嘅火鍋湯底選擇有好多種，除左招牌嘅紅油麻辣湯底之外，仲有好幾款唔辣嘅選擇，好似芫茜皮蛋湯，花膠螺頭湯，沙爹湯底等等。我地就揀咗一鍋三款唔同嘅湯底。火鍋配料方面也好吸引，我自己就最滿意個劉一手招牌鮮切三拼，裡面有鹿兒島和牛，豚肉腩同美國牛小排，而且放係一個直立式嘅拼盤上面好有創意。海鮮同蔬菜拼盤都好新鮮。另外餐廳嘅生啤都好好飲，不過想再order嘅時候就要等比較耐先上，後來仲同我哋講啤酒賣曬。最後嘅兩個甜品味道都好令人滿意，尤其係個紅糖糍粑，非常煙韌。總體來講食物嘅質素係唔錯嘅，服務方面可以再做好啲。