二撇雞

營業中

休息中

一直人氣不減的雞湯米線店😋今日係平日，不過咁岩係12點左右lunch hour,一去到就見到門口條人龍了。好彩我係一個人，好快就有位比我攝😂駱駝漆呢度有2間好有人氣既雞湯米，兩間都唔錯既。距離我上次食都大半年啦，上之食應該係胡椒雞湯，今次就試下花膠雞先（本人不好花膠😅）,排隊其間仲聽到人話最鍾意佢既雲吞雞，所以特意加一粒（$8）試下先😆呢度網絡收得比較差，落單掃code都需要load一陣嗌左花膠雞濃湯米線+一粒雲吞+低糖黑豆漿 （一共$83）先講湯底，咸淡適中，有一啲啲濃稠，係骨膠原既感覺，哈仲有幾舊湯匙大小既花膠，夠淋又冇腥味，對於唔好花膠既我黎講，覺得幾好食👍而雞就唔使多講啦，整得非常嫩滑，冇雪味，冇雞腥味，好食👍👍👍而$8一粒既雲吞，真係非常驚喜，大大一粒仲係落足料，唔怪得係熱門之一。成餐lunch都好感足，仲係好養生既感覺，哈。只係實在多人，我剛剛放低筷子，店員就立即收起😅好匆忙嘅感覺呢。