李家 (華發大廈)

營業中

休息中

老公突然話想食炸雞～ 見之前係公司開 party 時，同事叫過黎食，食過味道唔錯，所以帶老公黎試下。兩個人又想試下唔同味嘅炸雞，好彩餐廳有得自選半半炸雞，即係可以揀兩隻唔同味道。啱晒少人而又想食唔同味嘅客人。入座後，侍應會送上兩款前菜：椰菜沙律、酸蘿白甜辣炸雞 $98蜂蜜大蒜炸雞  $113自選半半份量超多，一上枱我地都嚇左跳。每份炸雞大約有 7 -8 件，好抵食。炸雞上枱熱辣辣，粉漿好薄，外皮炸得好脆口，內裏肉質好 juicy。蜂蜜大蒜炸雞醬汁甜甜地，加入原粒大蒜，蒜味香濃，食落好香口。甜辣炸雞醬汁甜甜辣辣，超食超開胃。牛肉炒粉絲  $158炒粉絲可選豬或牛。粉絲份量超多，應該足夠3-4個人食。粉絲煙韌程度剛好，牛肉配料都幾多，味道唔錯。Apple Cider Rita $88天氣太熱，食炸雞當然唔少得叫杯吸精嘅Apple Cider Rita，梳打水混入蘋果酒，味道清新帶蘋果香氣，消暑的恩物。