반찬앤쿡 Banchan and Cook (東薈城名店倉)

營業中

休息中

假日到東薈城Banchan & Cook，林住同lulu豬打下卡，可惜lulu豬期間限定已完結了，唔緊要啦，無lulu豬姐美食還是有的。南瓜八爪魚蛋包飯 $178錯過了之前lulu豬系列，但蛋包飯賣相依然QQ，蛋上印有南瓜圖案，馬上加左分。八爪魚唔韌，配上微辣既醬汁，炒飯有調味過及有不少配料，但南瓜不夠甜有點失色。傳統紫菜包飯 $78紫菜包飯餡料顏色鮮豔切割齊整排列好，望落有種利落感覺。餡料有牛肉、雞蛋、甘筍絲、黃瓜及青瓜絲，啖啖咬落索索聲。黑炸醬炸雞（無骨半份）$128甜辣炸雞食得多，黑炸醬真係第一次試，咸咸地有少少肉碎同青瓜絲，味道幾特別，仲有懶人必備既無骨供選擇，啖啖肉爽啦。韓式雜莓牛角包窩夫 $72再飽也要點甜品，窩夫熱辣辣好香牛油味，切開酥脆，上面塗滿蜜糖同雜莓，旁邊伴有奶油，混入一齊食最正，獲友人大讚。吸血鬼的梳打 $48雖然萬聖節已過，但萬聖節飲品仍有供應，紅莓汁梳打配上荔枝藍莓的眼睛造型，賣相相當有氣氛。士多啤梨鮮奶咖啡 $48白色、啡色及粉紅色的層次很美，淡淡啡味奶味較重，怕苦可以食埋2片甜甜的士多啤梨。