Lex Coffee (已結業)

蟹肉蟹籽芒果沙律🥗蟹肉蟹籽嘅分量充足，酸甜嘅芒果汁幾襯依款沙律，唔會太重口味，整體感覺清新👌龍蝦意大利飯🦞見到唔少人都推介龍蝦飯，的確有佢嘅原因，除咗擺盤吸睛之外，味道都相當不俗，意大利飯有咬口，飯粒吸收晒海鮮汁嘅精華，唔會過濕或者太乾，龍蝦亦都有微焦嘅香氣，起咗蟹鉗肉，食落都好方便😋厚切吞拿魚三文魚籽菠菜汁意大利飯🐠依間餐廳嘅出品賣相一定唔會令人失望，菠菜汁嘅味道香濃，三文魚籽嘅鹹鮮另整個菜式嘅味道更為豐富👍法式焦糖布丁🍮布丁口感柔滑，份量比預期多，足夠兩個人分享，不過面層嘅焦糖薄咗啲啲，唔夠脆