方叔叔重慶老火鍋 (太子集團中心)

營業中

休息中

麻辣火鍋真係會食上癮，唔係好耐之前食過一次之後就念念不忘，食過唔同幾間最好都係方叔叔呢個麻辣火鍋，味道好食之餘仲有海景睇，最緊要兩個人都可以食到好多野，全因每樣都可以叫半份，岩哂兩個人試好多唔同款式。呢度既麻辣鍋可以揀鴛鴦鍋，唔同既食材可以放唔同既湯底，今次我地揀左麻辣湯底同山珍菌湯，麻辣湯一如以往咁高質，山珍菌湯幾驚喜，真係好香菇味，而且好足料。安格斯牛板翼半份 $98牛味濃郁，質素都幾好。十秒牛舌半份 $58真係十秒就夠，爽口彈牙。桂花蚌半份 $88爻口彈牙，蚌既香味依然保留到。手打魚子蝦滑半份 $58蝦滑起哂膠，仲有少少蝦粒係入面保留口感。鮮活海蟶半份 $45海蟶好新鮮，鮮甜味唔會比湯底蓋過，期間限定要試。功夫萵筍片半份 $28佢既功夫在於刀功切得好薄，變相可以完全索哂湯汁，非常值得一試。美國prime牛小排 $138牛肉油花分佈得十分平均，食落脂香感十足，半份其實唔係好夠喉。水仙烏龍檸檬茶 $48超大杯既飲品，岩哂麻辣後暢飲，飲落清新解膩。今次食完見到5月份優惠，消費滿$200送$100現金券下次消費使用，有效期為派發起計30天，如無意外我應該會好快再黎食過。