Kachimushi

營業中

休息中

今日入咗元朗探朋友,而家入元朗真係好方便,搭西鐵一陣就到,探完朋友梗係叫佢帶我去搵啲好嘢食下,佢今日就帶咗我去錦田食西餐。餐廳望落去好整潔,裝修得好有格調,空間感十分足夠,坐得好舒適,喺度食嘢個感覺真係好放鬆。Kachinushi ,地址係錦田永隆圍77號地舖。松露蟹肉沾醬 108元,黑松露加埋蟹肉用嚟配麵包,黑松露味道好香,加埋蟹肉嘅新鮮鮮甜味,食落去好有層次,沾少少上麵包食,無論口感同味道都好正。牛肉吐司 124元,一上枱已經好吸引,牛肉煎到啱啱好,入口肉質好嫩滑,食落去牛肉味好香濃,仲係好juicy,加上下面有少少洋蔥吊起牛肉嘅味道。黃豆粉年糕班戟 78元,非常特別嘅甜品,班戟有啲蛋香味,加上燒到邊位有點焦香,食落去好有口感,味道都幾特別。年糕口感煙煙韌韌,配搭埋香濃嘅黃豆粉,再配埋雪糕,食落去又凍又熱,口感非常特別。檸檬蛋黃醬藍莓班戟 78元,賣相已經好吸引,雪糕係中間慢慢融化,酸酸甜甜嘅蛋黃醬食落去又開胃又香口。