喵一下 (已搬遷) 新店位置

收工行到pmq，時間尚早，入到餐廳覺得裝修幾別緻，但企左一陣都冇人理我哋😥地方都唔細，幾多位，因為冇乜人去，所以任你坐邊Menu都幾多野揀，選擇比一般台式料理多，尤其係啲菜，全部都未食過，亦都未喺其他地方見過（或者其他地方唔同名？）價錢非常相宜，全部都係幾十蚊一樣野。叫左個清炒過貓，我諗落左單五分鐘左右就上左碟菜，我已經心知不妙，一夾落口果然不出所料，肯定係即刻叮返熱，因為有啲好熱有啲係暖嘅🙄講返味道就ok嘅，質感一咬落去爽爽地，咬咬下係滑潺潺，類似秋葵咁，未必個個鍾意。茶燻雞佐烏龍茶漬飯，個雞幾香，唔嚡，但又係唔熱嘅😢個飯夠熱，茶漬飯咸咸地，混埋紫菜同少少黑芝麻都幾好餸飯。宜蘭葱餡餅，有少少似胡椒餅，係細件啲、餡少啲同埋炸左，賣相咁深色，加上係咁滴油，估計係翻炸🤦🏻‍♀️玫瑰洛神花茶，一睇咁深色就知中伏，嗰種好人工嘅酸酸甜甜，係台灣風味嚟，只怪自己大意醒唔起台式飲品都一律係咁。人流太少，預先整好嘅食物難免質素較差，但啲野唔好食又好難令人再光顧，絕對係惡性循環。裝修幾有心思，價錢又平，如果味道好啲嘅話會考慮再嚟，可惜可惜。