京都大酒樓

營業中

休息中

聚會一起飲茶，諗住開開心心放假見面，點知一肚氣， 食物一般， （吃金錢肚，肚質地好唔爽）賣相一般。想特別講服務， 本來我唔知酒樓有分優惠價同正價點心分別 ，我tick 咗正常點心紙，一籠特點點心燒賣，點心車姐姐一放低，一籠得兩粒，於是即刻問點心姐姐，我地叫特點，點解得兩粒，果點心姐姐話「你地叫兩粒咪兩粒」就走咗， 個話氣講到係你地責任，我心諗咩叫兩粒就兩粒 我哋叫特點點心，於是再問經理，經理話有分優惠點心同正價點心，果經理都覺得我哋叫優惠點心，解釋完就想走。我就話我冇叫過優惠點心，係特點點心紙度寫，於是經理check單， 發現係特點點心，就話出錯單，幫我哋換返， 換完先知一籠四粒， 即係比原價錢食一半野，另外，再加漏單，食飽曬都未來，唯有收錢果時cancel 知道點解咁少人幫襯