嘉寶漢堡 (和益中心)

營業中

休息中

呢間漢堡店一直都有好高嘅名氣，我今日俾人放飛機就決定一個人來食，呢到環境都幾好，星期五雖然多人，但係座位都算闊落。我首先要咗個黑松露芝士牛堡$54，佢有好香嘅黑松露香味，加埋芝士口感超級濃郁，味道超好食，但係重點都係塊牛扒，問吓店員先知道原來係用咗牛肋條切碎而成，難怪特別好食！之後跟$18套餐可以包小食同飲品，我今次再加$5要ceasar salad，然後再追加$10炸芝士同加$12要薯餅。呢度所有嘢都炸得好酥脆，勁好食！芝士又有拉絲效果，隔離枱見到我食都話要加單！雖然今日俾人放飛機，但係自己一個人嚟食到咁多樣嘢，都係另外一種風味。