一樂日本料理 (已結業)

同屋企人行完尖沙咀, 就去左一樂日本料理食晚餐。之前嚟食過，主攻刺身同壽司，今次轉轉口味食炸物。原來又有另ㄧ香風味。間餐廳裝修華麗寬敞，座位闊落舒適，適合一家大細歡聚又或是三五知己一大班老友回想當年！所以好快就已經座無虛席。食物未到前，食左d小食。大廚師即做即焗，所以好新鮮酥脆。吾會好甜同漏。餐廳照顧周到，除左提供新鮮刺身、炸物、壽司、飲品等之外，仲提供新鮮蔬菜，即席炒煮。客人可以選擇蒜蓉、薑汁、X O醬、清炒、或魚湯煮。呢碟蒜蓉炒絲瓜加翠玉瓜就好甜好爽啦沖繩苦瓜炒蛋，苦瓜係我至愛，甘甘苦苦，食左咁多炸野，可以幫助清清熱氣。無揀錯呀！蛋就炒得好甘香好滑。完全吾油膩。芝麻雞翼炸得恰到好處，加埋芝麻，金黃香口，肉質保持嫩滑。雪花炸鮮奶，外脆內軟, 好香鮮奶味, 唔係咁多地方有得食。鹽花燒海蝦串，蝦大大隻好新鮮，肉質彈牙。烏冬自己加上熱騰騰的湯底，烏冬煙煙韌韌夠彈牙，細細碗，容易食。食放題又點可以無雪糕呢。雪糕雪條任食。食到飽飽，再加埋雪糕，真係人生一樂也！餐廳推出優惠價，加$48蚊任食生蠔，因為今次食得太飽，下次會約埋班friends豪食生蠔。