影片
更多
2021-10-09
3468 瀏覽
今年媽咪生日，決定同佢食想食好耐嘅半島buffet😍聽講環境靚，服務好，食物質素亦都唔錯～當日6:15去到，估唔到都已經有八成full，帶位嘅女職員非常有禮貌，會幫客人拉櫈，同埋介紹返今次buffet主題～今次係東南亞主題，佢推介冬蔭公湯🤣我最鍾意嘅就梗係凍海鮮同刺身啦～凍海鮮方面有龍蝦、蟹腳、青口、帶子、蝦同螺～我個人覺得龍蝦同埋螺係最好食🤤龍蝦一睇都知好新鮮，啲肉好有彈性同埋一啲都唔乾，而螺就好飽滿，亦都好鮮甜呀！另外三樣我覺得係正常水平～仲有好signature嘅磯煮鮑魚，媽咪最鍾意呢個，肉質爽彈，我就覺得佢甜咗少少～不過book位時職員都已經講咗係冇生蠔架喇😆大家都可以留意～同主流其他buffet唔同，刺身係可以比客人自己夾嘅～佢擺盤擺得好靚，款式都好多，有三文魚、油甘魚、吞拿魚、帆立貝、甜蝦同象拔蚌，當中帆立貝同象拔蚌就比較出色😆佢亦會有啲壽司款式，不過我就冇食到😆冷盤都有唔少沙律，同埋有我鍾意嘅cold cut同芝士🧀去到熱葷，冬蔭公湯媽咪話一般，有啲鹹，東南亞嘢食例如咖哩、巴東牛肉等等我就麻麻地，都冇咩點食🤣最吸引我嘅當然係燒和牛啦🥩😍切出嚟個樣已經好靚仔，食落口牛味超濃
當日6:15去到，估唔到都已經有八成full，帶位嘅女職員非常有禮貌，會幫客人拉櫈，同埋介紹返今次buffet主題～今次係東南亞主題，佢推介冬蔭公湯🤣
我最鍾意嘅就梗係凍海鮮同刺身啦～凍海鮮方面有龍蝦、蟹腳、青口、帶子、蝦同螺～我個人覺得龍蝦同埋螺係最好食🤤龍蝦一睇都知好新鮮，啲肉好有彈性同埋一啲都唔乾，而螺就好飽滿，亦都好鮮甜呀！另外三樣我覺得係正常水平～仲有好signature嘅磯煮鮑魚，媽咪最鍾意呢個，肉質爽彈，我就覺得佢甜咗少少～不過book位時職員都已經講咗係冇生蠔架喇😆大家都可以留意～
同主流其他buffet唔同，刺身係可以比客人自己夾嘅～佢擺盤擺得好靚，款式都好多，有三文魚、油甘魚、吞拿魚、帆立貝、甜蝦同象拔蚌，當中帆立貝同象拔蚌就比較出色😆佢亦會有啲壽司款式，不過我就冇食到😆
冷盤都有唔少沙律，同埋有我鍾意嘅cold cut同芝士🧀
去到熱葷，冬蔭公湯媽咪話一般，有啲鹹，東南亞嘢食例如咖哩、巴東牛肉等等我就麻麻地，都冇咩點食🤣最吸引我嘅當然係燒和牛啦🥩😍切出嚟個樣已經好靚仔，食落口牛味超濃超突出，但我唔記得咗影相😭另外我覺得都好好飲嘅係忌廉粟米湯🌽應該係用粟米打成蓉，再加忌廉入去煮，勁濃郁！可惜我太飽，飲唔到第二碗😢
另外，佢都有啲位上嘅食物，今次係炸軟殼蟹，我覺得炸衣比較鹹，一般般～
甜品方面我覺得都幾多選擇🤤呢度入面我覺得泰奶蛋糕幾好食，味道都好突出～同埋個水信玄餅芝士蛋糕都幾出色👍🏻佢仲會每人位上一碗楊枝甘露，味道正常發揮😄雪糕係一個未見過嘅品牌，有朱古力、雲尼拿同士多啤梨味，不過我太飽，冇食到喇！
出面係冇飲品供應，只係有每人一杯飲品～
整體嚟講，食物種類唔算好多，而且都唔係啲十分尊貴嘅食物，質素都算係唔錯嘅～但出色嘅係環境、氣氛同服務，想讚讚有位侍應好醒目，知道我媽咪凍，即刻拎件披肩比我哋，好細心🥰而幫我哋影相都非常有耐性同有禮貌，我覺得呢個價錢食返個氛圍同埋服務，非常值得！用signature卡仲有9折，變相免加一😆
張貼
