煌府婚宴專門店 (已結業)

一間大集團但完全無做好做點心放題的預備，唔知佢係想令你食唔多野就走？明明訂咗位，你地都仲要所有人排隊再安排枱，入到去就同你講蒸點要自己去攞，嘩，要搶？乜咁大集團的點心放題係咁？點心紙仲搞笑，員工唔想俾咁，問十次都唔俾！茶，自己搞啦，唔好等佢地！一個字-亂！嗰個所謂的蒸點位，得叉燒包牛肉陳村粉，千層糕就只得幾籠，唔駛指意攞到！好辛苦填到張點心紙，你又唔好期待會好快，等到天荒地老，先得一碟琴晚整定的皮蛋酸薑...等到炸奶黃包，一枱6人，俾兩個我地？下明明有碟係6個，d單出時一堆堆，員工又唔熟手，亂到呢！出咗車，待應仲要慢慢係你面前分嗰一叠單，搵枱...好恐怖！自問好脾氣的我都要發火！蝦餃呢d咁簡單的野，最後又只出兩粒？其實你地未ready,不如做番套餐啦！埋單時，前面嗰位同入單嗰個投訴，成張單好似好長，但食到的無一半，你地就叫我地埋單，嗰個部長當然當無野，呢d咁的背脊骨落酒樓好搵笨！野食質量，只有蝦餃，流沙煎堆可以用好食黎形容。