影片
更多
2024-09-15
408 瀏覽
《人生有限杯.串燒店 - 銅鑼灣》想要狂歡，唔一定要等到星期五嘅，星期二都可以嚟個Happy Tuesday呀🤗收咗工之後，我就約咗Pu 媽 @pu.pu.purinn 一齊去銅鑼灣飲番杯先返屋企😎天氣咁熱，最啱就係飲啤酒啦，我哋去咗一間新開冇耐嘅居酒屋食串燒同飲啤酒，睇到餐牌嘅時候都有啲嚇親，因為佢啲串燒真係幾平下，平時出去食十幾廿蚊既串串呢度$10起一串，啤酒$48大大杯仲要買一送一🥸餐牌上面最貴嘅食物都係唔過$68，仲要係主食嚟添🤓基本上可以唔睇價錢點晒自己鍾意嘅嘢食✌🏻飲咗幾杯最後埋單都係$600左右，好適合一大班人過嚟熱鬧熱鬧😜當晚好多台都係大枱，所以當晚氣氛都幾好，講吓當晚食咗啲咩先🤭💁🏻♀️椒鹽燒雞皮 $10💁🏻♀️港式蜜糖燒菠蘿 $10💁🏻♀️話梅粉燒車厘茄卷 $15💁🏻♀️燒鮮雞腎 $20💁🏻♀️老油條釀墨魚滑爆芝士 $20💁🏻♀️鹽燒牛舌芯 $28💁🏻♀️鹽燒手切封門牛肉 $28💁🏻♀️蒜蓉菜脯燒廣島蠔 $48💁🏻♀️流心蛋蟹籽薯仔沙律 $68💁🏻♀️明太子忌廉烏冬 $58💁🏻♀️脆皮豬大腸伴蕎頭 $68💁🏻♀️椒鹽紫菜泰式辣醬九肚魚 $68當日得意忘形叫咗好多嘢食
想要狂歡，唔一定要等到星期五嘅，星期二都可以嚟個Happy Tuesday呀🤗收咗工之後，我就約咗Pu 媽 @pu.pu.purinn 一齊去銅鑼灣飲番杯先返屋企😎天氣咁熱，最啱就係飲啤酒啦，我哋去咗一間新開冇耐嘅居酒屋食串燒同飲啤酒，睇到餐牌嘅時候都有啲嚇親，因為佢啲串燒真係幾平下，平時出去食十幾廿蚊既串串呢度$10起一串，啤酒$48大大杯仲要買一送一🥸餐牌上面最貴嘅食物都係唔過$68，仲要係主食嚟添🤓基本上可以唔睇價錢點晒自己鍾意嘅嘢食✌🏻飲咗幾杯最後埋單都係$600左右，好適合一大班人過嚟熱鬧熱鬧😜當晚好多台都係大枱，所以當晚氣氛都幾好，講吓當晚食咗啲咩先🤭
💁🏻♀️椒鹽燒雞皮 $10
💁🏻♀️港式蜜糖燒菠蘿 $10
💁🏻♀️話梅粉燒車厘茄卷 $15
💁🏻♀️燒鮮雞腎 $20
💁🏻♀️老油條釀墨魚滑爆芝士 $20
💁🏻♀️鹽燒牛舌芯 $28
💁🏻♀️鹽燒手切封門牛肉 $28
💁🏻♀️蒜蓉菜脯燒廣島蠔 $48
💁🏻♀️流心蛋蟹籽薯仔沙律 $68
💁🏻♀️明太子忌廉烏冬 $58
💁🏻♀️脆皮豬大腸伴蕎頭 $68
💁🏻♀️椒鹽紫菜泰式辣醬九肚魚 $68
當日得意忘形叫咗好多嘢食，好似俄羅斯方塊咁都未食完上一樣就已經有下一樣😂上菜速度好快，我哋兩個飲住啤酒慢慢咁樣食嘢傾偈都傾咗兩個幾鐘🫶🏻串燒$10至$20嘅要兩串起叫，但係難唔到我哋兩個為食鬼的🫣椒鹽燒雞皮燒得夠乾身，咬落脆卜卜好有口感，燃燒菠蘿我覺得係必叫嘅串燒之一，燒完之後呈現焦糖嘅感覺，入口十分香甜🍍 我其實一向都好鍾意食豚肉車厘茄卷，燒過嘅車厘茄會更加之甜，用豚肉包住車厘茄食落又鹹又甜，再加上上面嘅話梅粉提味令到更加好食👍🏻我個人覺得老油條讓墨魚滑呢一個菜式都幾啱我嘅口味，因為出邊嘅油炸鬼係脆的，而入面嘅墨魚滑加入咗芝士食落有爆漿效果，不過要小心啲好熱辣咀呀蒜蓉菜脯燒廣島蠔一客有兩件，同蒜蓉永遠匹配嘅廣島蠔食落肥美都算大隻，我發覺佢呢度除咗燒烤之外另外嘅小食都唔錯，椒鹽九肚魚配上紫菜粉同埋泰式辣醬，食落惹味脆口，略嫌份量較少，不過味道唔錯，脆皮豬大腸我覺得都處理得幾好，雖然切得比較細片，但係炸得香脆，配上甜甜辣辣嘅醬汁好開胃👍🏻我哋仲嗌咗個明太子忌廉烏冬同埋流心蛋蟹籽薯仔沙律當主食，薯仔沙律食落Creamy，流心蛋嘅蛋汁撈埋落去個沙律度食嘅話我扒五碗飯都仲可以😂整體嚟講，我覺得價錢喺銅鑼灣來說都好公道，生啤買一送一優惠都係好吸引人嚟嘅因素，之後有機會都想再試埋其他嘅串燒🤭希望下次嚟我會冷靜啲唔好一次過叫咁多嘢😂巨飽
張貼
