Casablanca Restaurant & Cafe (已結業)

近排係IG見到好多人介紹呢間犘洛哥菜，成世仔都未試過犘洛哥菜，只係知道犘洛哥係非洲，都好好奇佢有特別。所以呢，Blue Monday又去左搵好西食，一於試下呢間犘洛哥菜有咩特別。因為比較夜先黎到，所以餐廳唔算好迫人，大概6成人啦！成間餐廳都好有特色，無論燈光丶擺設丶坐位，台面都有當地文化氣息。以番茄為基礎，加入羊肉，鷹嘴豆，扁豆碎片，調過味的芹菜，香菜，同埋西芹。飲落口有別於平日飲開的中湯或者西湯，口感比較濃。因為有大量的豆及其他材料，所以比較稠身，會有飽肚的感覺。味道濃身，豆味幾濃。飲到一半嘗試加埋伴碟的檸檬，加入檸檬汁的湯加添了酸味，令整道湯變得更開胃，而且和豆類的味道都幾夾，味道唔錯！Tagine，即係塔吉鍋。塔吉鍋產於北非摩洛哥，也叫微壓力鍋，高蓋帽是它的明顯特點。最早的塔吉鍋都是陶土鍋，因為透氣不透水，加上三角圓錐的造型使得蒸氣循環上升，因此最大限度地減少水分喪失。在烹調過程中只需少水，水汽均勻地滴落在食材上，可以最大程度地保持食物的原汁原味和營養。以塔吉鍋去烹煮的羊仔脾，肉質保持嫩滑，以刀叉輕輕一撥已經能撕開羊脾的肉。羊肉好嫩滑，尚帶少許膻味，醬汁幾濃下，加上撤上表面的芝麻