暹 (裝修中)

為左搵一間係前一日先黎book都可以book既泰國菜，最終揀咗呢間。先講下被check既經歷先！話說開放番四人限聚同晚市，同就同fd去食下野啦，點知食食下野，一大班人衝左入黎check安心出行，真係嚇到鼻哥窿都冇肉，但係事前個老闆已經提醒在座既客人要scan安心出行，因為佢聽到話會有人黎check，所以逐枱提，其實可以係每張枱到痴番個QR code，以防萬一會更好。係order前個老闆都有講奶茶會偏甜，建議我地少甜，當然我哋都信佢，而杯Thai tea既味道都ok既，唔咪好差。呢碟魷魚又貴又唔好食，仲要細細碟🥲唔建議大家試。蝦醬炒飯味道OK蝦醬味都突出，可以一試。個人覺得呢個拼盤唔錯，每款小食都可以試下，但唔咪樣樣好食。最後既分享係……其實個老闆係好人既，服務OK既，但個老闆都有啲chur ，會想你order多啲野食，我地食完啲嘢其實都好飽，仲會chur你要叫個甜品，但佢又唔咪好多甜品可以揀😅好似得番一款😅同埋佢啲嘢食係偏貴得黎好一般，所以食後感麻麻，試過就好。