雲陽閣 (已搬遷) 新店位置

本人是一個唔多食得辣既人，今次被朋友坑左去食呢間出名辣既川菜館，真係有d 驚。入去之前係門口見個餐牌，差不多所有餸都有辣椒，好驚…今晚由友人拍版叫餸。全晚叫左蒜泥白肉，乾燒白鱔，回鍋肉，大千雞球，竹苼海鮮湯，蘋果拔絲。那個乾燒白鱔非常爽，唔係爽口，係食得好爽。澆汁出色，酸甜辣味相當平衡，白鱔只切魚腩，雖只得十來塊，但是就是這個數量才更顯寶貴。鱔肉口感極佳，連呢個唔多食辣既本人都停唔到口。蘋果拔絲唔算話好好食，不過係香港真係好少食到拔絲。上碟時侍應係你面前整，聽住d 拔絲「pong」「pong」聲，都幾好聽。全晚最差係回鍋肉，全無特色，以呢間舖既期待質素有距離。問過友人，佢話上次食抄野真係唔多得，bad list 呢間野d 抄野。整體黎講都唔錯，門口個海鮮金獎果然無呃我！