影片
更多
2011-06-15
10 瀏覽
睇完小儀個節目之後... 因為我地好鐘意食咖喱... 所以就去試呢間所謂米芝蓮一星餐廳 ...我地去之前都已經睇過佢地既食評... 對佢地既服務已經係0期望..... 點知打去訂檯已經係惡夢既開始...首先...我問佢 由地鐵站行去要幾耐 .... 老細話 "聽你把聲咁滋柔... 唔..應該要5分鐘... 我行就3分鐘!!!"(聽把聲都知我行路快定慢 你咪就係神算?)去到我地7個人.... 佢安排我地坐4人卡位加2人檯係路邊.... 我都明白晚市生意比較好..... 所以都無出聲.... 點知佢加多句 "咁苗條 坐到既"(老細 我肥定瘦都要經你把口?)好!!!!!!!!!開始點菜....首先我地叫半打串燒牛同半打串燒豬..... 因為我地有人唔食牛 ......所以叫老闆娘分開上...... 佢回應"正常都係分開上架啦"(出面好多都擺埋一齊架啦 ....好心講句姐)之後叫野飲.....我話要"士多啤梨沙冰& 芒果沙冰 &蜜桃梳打& 青檸梳打 ...係咁多" 老細回應 "係咁多唔係野飲 就走左"(係人都知係咁多唔係野飲 老闆你真係風趣喇)好啦....飲品黎喇 ......都預左佢錯架喇.
我地去之前都已經睇過佢地既食評... 對佢地既服務已經係0期望.....
點知打去訂檯已經係惡夢既開始...
首先...我問佢 由地鐵站行去要幾耐 .... 老細話 "聽你把聲咁滋柔... 唔..應該要5分鐘... 我行就3分鐘!!!"
(聽把聲都知我行路快定慢 你咪就係神算?)
去到我地7個人.... 佢安排我地坐4人卡位加2人檯係路邊.... 我都明白晚市生意比較好..... 所以都無出聲....
點知佢加多句 "咁苗條 坐到既"
(老細 我肥定瘦都要經你把口?)
好!!!!!!!!!開始點菜....
首先我地叫半打串燒牛同半打串燒豬..... 因為我地有人唔食牛 ......所以叫老闆娘分開上......
佢回應"正常都係分開上架啦"
(出面好多都擺埋一齊架啦 ....好心講句姐)
之後叫野飲.....我話要"士多啤梨沙冰& 芒果沙冰 &蜜桃梳打& 青檸梳打 ...係咁多"
老細回應 "係咁多唔係野飲 就走左"
(係人都知係咁多唔係野飲 老闆你真係風趣喇)
好啦....飲品黎喇 ......都預左佢錯架喇....... 咁有型唔寫單....... 又掛住串人
果然!!!! 第一杯黎士多啤梨梳打 .....我地明明嗌沙冰 .......之後叫青檸梳打...... 佢黎左呢杯檸檬梳打........
問下老細呢杯係咪青檸梳打 .....佢話係 ........我地話"乜青檸咁架??" 佢話"係呀 無錯 EXACTLY"我以前見既青檸係咁架喎
唔通印度青檸係黃色既?算啦我見識少...等左半個鐘左右...... 終於黎第一樣野食...... 真係幾好味既......... 不過我地叫串燒豬佢俾左串燒雞囉...........
不過算啦........ 我地都係想食餐安樂茶飯姐............
我地大約一個鐘之前叫左個蒜蓉薄餅...... 都知佢落漏左架啦......... 咁同老闆講聲叫佢可以唔黎啦.........
點知佢好串咁話 "係咩?多謝你體諒喎" 之後埋單既時候當然係冇幫我地取消啦
總括而言....... 野食真係幾好.......... 不過真係米芝蓮20星都無下次.........
完全好似D小朋友同人鬥氣...... 點解總係要串下人先安樂??? 仲慘過大排檔........
我建議各位朋友仲係要去食都唔好叫咁多野食........ 因為唔食都飽啦!!!!!(一肚氣)
張貼
