影片
更多
2014-11-14
2627 瀏覽
山長水遠黎到昂坪，點可以唔試下出名既寶蓮寺齋堂，人生第1次食齋，呢到打破左我對食齋既睇法，原來食齋都可以簡單得黎又好味。首先要係門外售票處購票先入去，有珍味素$88位同貴賓齋$128位揀，因為睇過2者分別不大，貴賓齋只係多左個翅，所以最後只係揀左普通珍味素試一試。入到去比票比侍應就會自動上菜，因為上網睇過湯同飯係任添的，所以就想試下係味真，因為就禁睇真係完全唔知可以添的，所以飲完個湯就試下叫侍應再添，點知真係可以無限添，呢個真係加分，因為我係湯怪來的^^湯水方面，其實個湯真係無咩味，可能食齋本來就係強調無味精而比較清為主，所以可能連鹽都唔落，但清清地都可以接受的。食物方面，最好食係個炸春卷，真係想像唔到原來入面好多料，但個味又夾到，炸得好脆好香口，口感一流！個粟米豆腐都好好味，d豆腐超滑！拎黎送飯真係一流！個冬菇都好正，食得出蚊左好耐，入哂味，真係好滋味。另外個碟瓜都爽口的，但相比之下就不過不失。整體黎講$88位都值的，食到齋之餘又添到香油，何樂而不為？不過題外想講一講就係個廁所位置就比較遠少少，要穿過呢個大圓門口直出到尾行一段樓梯山路先去到，都比較遠，不過沿途都欣賞到風景都可以接受的
山長水遠黎到昂坪，點可以唔試下出名既寶蓮寺齋堂，人生第1次食齋，呢到打破左我對食齋既睇法，原來食齋都可以簡單得黎又好味。
首先要係門外售票處購票先入去，有珍味素$88位同貴賓齋$128位揀，因為睇過2者分別不大，貴賓齋只係多左個翅，所以最後只係揀左普通珍味素試一試。
入到去比票比侍應就會自動上菜，因為上網睇過湯同飯係任添的，所以就想試下係味真，因為就禁睇真係完全唔知可以添的，所以飲完個湯就試下叫侍應再添，點知真係可以無限添，呢個真係加分，因為我係湯怪來的^^
湯水方面，其實個湯真係無咩味，可能食齋本來就係強調無味精而比較清為主，所以可能連鹽都唔落，但清清地都可以接受的。
食物方面，最好食係個炸春卷，真係想像唔到原來入面好多料，但個味又夾到，炸得好脆好香口，口感一流！
個粟米豆腐都好好味，d豆腐超滑！拎黎送飯真係一流！
個冬菇都好正，食得出蚊左好耐，入哂味，真係好滋味。另外個碟瓜都爽口的，但相比之下就不過不失。
整體黎講$88位都值的，食到齋之餘又添到香油，何樂而不為？
不過題外想講一講就係個廁所位置就比較遠少少，要穿過呢個大圓門口直出到尾行一段樓梯山路先去到，都比較遠，不過沿途都欣賞到風景都可以接受的。
最後食埋呢個齋就正式為呢個昂坪大佛之旅劃上完美既句號！^^
張貼
