NeNe Chicken (形點 I) (已結業)

今日大概1點左右到左yoho ，諗住行下街，行街前醫下肚先，午飯時間間間都排晒人龍，可能二人限聚令，啲餐廳好多位都做唔到生意，見到呢個韓國野得兩個人等緊，都知唔係好掂，但唔想等太耐就照排，可能我地太多人，8個人去食，等左大概45分鐘先入得。先講環境，好似野餐咁款，坐最入面，大大個太陽曬住食，完全無冷氣，未點餐已經出晒汗，有個幾高大既男侍應，問問佢係咪無開冷氣，佢答左句：坐入面係熱啲架啦。咁就行左去，之後佢行過黎再問佢可唔可以落一落窗簾，佢話：無架，係咁架。ok無問題。再講野食 叫左個炸雞拼盤，炸雞漢堡同炒年糕。炸雞靠味粉比味，係好食既，畢竟味精野好難唔好食，無投訴。炸雞漢堡，入面舊炸雞同拼盤炸雞係一樣既，無投訴，但跟餐薯條就真係食左兩條就無食，應該係炸定晒返炸，或者油太舊、唔夠熱，炸出黎唔夠新，油益味好重，真係食唔落。粉年糕鐵板上，塊鐵板凍既，面頭芝士輕輕用火槍燒兩下，建議餐廳如果唔諗住燒熱塊鐵板，可考慮將鐵板放入焗爐，起餐個陣先拎鐵板出黎放面，或者直頭用碟上，鐵板太凍，食兩淡已經凍晒。我明白間野價單唔係貴，但感覺上60$一個餐40$既水準都無。總括黎講，無下次。