平記富金軒雲南米線

營業中

休息中

難得閒日放假趁住限聚令未過午市嚟一試近排關注組好出名嘅米線舖頭位於街市嘅2樓地點就唔算就腳但環境其實都OK見着佢一碗一碗米線咁煮加上火爐冚冚聲好吸引我嗌咗豬軟骨豬腸米線中大辣平時食大辣嘅我都覺得辣不過真係好香，好好味豬腸同豬軟骨都煮到入晒味配埋辣湯底，真係好正老公就帶咗豬耳腩肉米線中小辣佢話湯底味道啱啱好麻辣中又帶點酸辣佢都覺得湯底偏辣唔食得辣嘅朋友真係要小心豬耳爽脆，腩肉就有點兒太薄另外嗌多個麻辣雞腎小食小食份量都幾足，而且幾好食兩碗米線都超過$30 每碗送咗一杯豆漿豆漿不過不失但食辣湯底，配上豆漿又可以解辣米線味道幾好，價錢又公道，值得一試！