影片
更多
2021-07-29
31 瀏覽
尖沙咀中間道大廈密密集集，估唔到係呢個地方竟然搵到間可以俾人休息一下嘅西餐廳！餐廳裝修都好吸睛，竟然用嚟紅燈寫咗人間煙火呢四隻字！真係好適合用嚟打卡用！餐廳除咗室內位置之外，仲有一個室外嘅大平台可以俾人呼吸一下新鮮空氣，做嘢做得攰想飲杯嘢，呢度其實真係一個好選擇，同時環境都幾Chill ！雖然呢度有酒精類可以揀，但係我同朋友都唔係好想飲酒，就決定叫返杯Mocktail😎😎🍡Spring HK$78好香嘅西柚味同埋橙味，相比之下，西柚味個口感會比較重啲，酸酸甜甜令到人都特別開胃！🍡Summer HK$78好重嘅菠蘿梳打味，飲咗啖有粒粒嘅菠蘿碎，喺夏天來講真係有種透心涼，消暑一流！🍡香煎蟹餅 HK$128估唔到呢度嘅蟹餅真係用蟹肉來做，咬落軟淋淋，好香蟹味，配埋黑醋汁同埋魚子口感好豐富！🍡蟹肉意大利飯 Hk$168第一眼就望到好多魚子，蟹肉，蘑菇🤩🤩呢個飯值得最賺嘅係食到好濃烈嘅蟹肉味，而意大利飯粒質地唔會太硬又唔會太淋！成個飯嘅濃稠質地亦都啱啱好！仲有埋個蟹殼俾你打卡用添🤣🤣🤣🍡帕爾馬火腿薄餅 HK$118食落口芝士味重，咬落去厚實嘅芝士🧀下面配埋脆脆嘅餅底，口感好正！另外佢嘅Parma
餐廳裝修都好吸睛，竟然用嚟紅燈寫咗人間煙火呢四隻字！真係好適合用嚟打卡用！
餐廳除咗室內位置之外，仲有一個室外嘅大平台可以俾人呼吸一下新鮮空氣，做嘢做得攰想飲杯嘢，呢度其實真係一個好選擇，同時環境都幾Chill ！
雖然呢度有酒精類可以揀，但係我同朋友都唔係好想飲酒，就決定叫返杯Mocktail😎😎
🍡Spring HK$78
好香嘅西柚味同埋橙味，相比之下，西柚味個口感會比較重啲，酸酸甜甜令到人都特別開胃！
🍡Summer HK$78
好重嘅菠蘿梳打味，飲咗啖有粒粒嘅菠蘿碎，喺夏天來講真係有種透心涼，消暑一流！
🍡香煎蟹餅 HK$128
估唔到呢度嘅蟹餅真係用蟹肉來做，咬落軟淋淋，好香蟹味，配埋黑醋汁同埋魚子口感好豐富！
🍡蟹肉意大利飯 Hk$168
第一眼就望到好多魚子，蟹肉，蘑菇🤩🤩呢個飯值得最賺嘅係食到好濃烈嘅蟹肉味，而意大利飯粒質地唔會太硬又唔會太淋！成個飯嘅濃稠質地亦都啱啱好！仲有埋個蟹殼俾你打卡用添🤣🤣🤣
🍡帕爾馬火腿薄餅 HK$118
食落口芝士味重，咬落去厚實嘅芝士🧀下面配埋脆脆嘅餅底，口感好正！另外佢嘅Parma Ham唔會太鹹，配埋黑醋汁同埋火箭菜味道中和得啱啱好！呢個Pizza我認為一定係必食之選！
🍡水信玄餅配雜莓醬 HK$88
呢道甜品本身配左兩個醬，一個係清酒，而另一個係雜莓醬！ 透明嘅果凍包住啲蒟蒻，仲有啲生果😍😍
一開始唔落任何醬料嘅時候，其實就冇乜味，但係當佢配埋雜莓醬就好鬼夾，甜甜酸酸咁🤩🤩清酒同雜莓醬嘅份量可以自己去調整，如果想酒味濃啲嘅話就落重啲，但係想要果味重啲就可以落多啲雜莓醬！
初頭因為朋友對酒精敏感，所以一開始落嘅時候我淨係落咗雜莓醬，食到果香味同埋好清新嘅啫喱！之後我再係自己嗰份加埋清酒，酒嘅香氣一直跑出來，真係聞吓都覺得自己會醉啊！食落去亦都同雜莓醬好夾，所以我個人係比較建議落埋清酒！🤣🤣
張貼
