Egyptian House Restaurant & Bazar (已結業)

朋友話尖沙咀有間穏世埃及房菜，食物水準極高但是價錢大眾化，本身對中東菜興趣不大，但朋友講到甘好，為食又嘴刁既我上了去，結果係非常有驚喜。一來到先來了一杯開胃飲品，少少甜少少酸，夠晒開胃。前菜是中東包加小食拼盤，有hummus ，芝士，醃椒，青瓜，中東包新鮮熱辣辣，出面街好多hummus 都比較油腻，但呢度食既不會有油膩感覺，用既橄欖油食得出係優質靚既橄欖油。之後上菜上，係烤雞卷，未上菜巳經聞到陣陣香味，皮烤得非常之脆，入面釀了米飯，驚喜之一。雞卷的質素係可以擺起五星級酒店。再來一個素炸春捲配乳酪，新鮮出爐非常香脆，但一點油膩感也沒有，本身我平時不太食煎炸食物，但也很喜歡呢個素春卷，到最後一道菜烤魚⋯外皮非常香脆，加上檸檬汁，而全道菜既靈魂就係魚內釀既配菜香料⋯真係高水準，最後是焗南瓜布丁，好有中式酒樓奶黃包的香味，外面焦糖烤得香噴噴⋯每一道菜式都係新鮮熱辣辣，亦可見得出每一道菜非常用心做，用料亦非常新鮮，服務好，經過廚房，見到廚房好乾凈，米芝蓮水準，茶餐廳價錢，下次有朋友聚會會推介呢間穏世埃及菜